தளபதி விஜய் அவர்களின் கடைசி திரைப்படமான தளபதி 69 இல் இருந்து நடிகர் சத்யராஜ் அவர்கள் முழுவதுமாக விலகி இருக்கிறார் என்ற செய்தி தற்பொழுது வெளியாகி உள்ளது.
இதற்கு முன்னதாக நடிகர் விஜய் மற்றும் சத்யராஜ் அவர்கள் இணைந்து நடித்த தலைவா திரைப்படத்தில் இவர்கள் இருவரும் அப்பா மற்றும் மகனாக நடித்திருந்தனர். மேலும் நண்பன் திரைப்படத்திலும் இவர்களின் கதாபாத்திரங்கள் மனதில் நீங்கா இடம் பிடித்து விட்டன என்றும் கூறலாம்.
இவ்வாறு இருக்கையில், தற்பொழுது மீண்டும் இவர்கள் இணைந்து நடிக்கும் திரைப்படமாக தளபதி 69 இருந்த நிலையில், இதிலிருந்து நடிகர் சத்யராஜ் விலகியுள்ளார்.
தமிழ் சினிமாவின் உச்ச நட்சத்திரமான நடிகர் விஜய் தன்னுடைய கேரியரில் கடைசி திரைப்படத்தில் நடித்து வருகிறார். தளபதி 69 என தற்போது அழைக்கப்பட்டு வரும் இப்படத்தை ஹெச்.வினோத் இயக்கி வருகிறார். கேவிஎன் புரொடக்ஷன் இப்படத்தினை தயாரித்து வருகிறது.
மேலும் இப்படத்திற்கு இசையமைப்பாளர் அனிருத் அவர்கள் இசையமைத்து வருகிறார்.பாபி தியோல், பிரகாஷ் ராஜ், பூஜா ஹெக்டே, பிரியாமணி உள்ளிட்டோர் இப்படத்தில் நடித்து வருகின்றனர். இப்படத்தின் முதற்கட்ட படப்பிடிப்பு முடிந்து இருக்கும் நிலையில் அடுத்தக்கட்ட படப்பிடிப்பு விரைவில் தொடங்கப்பட உள்ளது குறிப்பிடத்தக்கது.
இந்த படத்தில் சத்யராஜ் அவர்களுக்கு முக்கிய கதாபாத்திரம் கொடுக்கப்பட்டுள்ளது என்ற செய்தி வெளியாகி இருந்த நிலையில், தற்பொழுது இவர் இப்படத்தில் நடிக்கவில்லை என்ற செய்தியும் வெளிவந்து கொண்டிருக்கிறது. அதற்கான காரணமாக ஒரு புறம் விஜய் அரசியலுக்கு சென்றதால் அவருடன் நடிக்க இவருக்கு விருப்பமில்லை என்று கூறப்படுகிறது. மேலும் மற்றொருபுறம் சத்யராஜ் அவர்களுக்கு சம்பளம் கொடுக்க தற்பொழுது பட்ஜெட் இல்லை என்றும் கூறப்படுவது குறிப்பிடத்தக்கது.