கபாலிக்கு பின் மீண்டும் ரஜினி படத்தில் இணைந்த நடிகர்!
சூப்பர் ஸ்டார் ரஜினிகாந்த் நடிக்கும் ’தலைவர் 168’ படத்தின் படப்பிடிப்பு நேற்று முதல் தொடங்கியது என்பதை ஏற்கனவே பார்த்தோம். ஐதராபாத்தில் உள்ள ராமோஜிராவ் பிலிம் சிட்டியில் நடைபெற்று வரும் இந்த படத்தின் படப்பிடிப்பில் ரஜினிகாந்த் உள்பட படக்குழுவினர் அனைவரும் கலந்து கொண்டு வருகின்றனர்
இந்த நிலையில் ’தலைவர் 168’ படத்தின் முதல் நாள் படப்பிடிப்பிலேயே தானும் கலந்து கொண்டதை நினைத்து பெருமை அடைவதாகத் நடிகர் விசுவநாத் தனது டுவிட்டர் பக்கத்தில் தெரிவித்துள்ளார். இவர் ஏற்கனவே கபாலி படத்தில் ரஜினியுடன் நடித்தவர் என்பதும் விஷால் நடித்த சண்டக்கோழி 2’ திரைப்படத்தில் வரலட்சுமி கணவராக நடித்தவர் என்பது குறிப்பிடதக்கது
‘தலைவர் 168’ படத்தில் ரஜினிக்கு மிக நெருக்கமான ஒரு நபராக விசுவநாத் நடிப்பதாக தெரிகிறது. மேலும் சூப்பர் ஸ்டார் ரஜினியுடன் மீண்டும் நடிக்கும் வாய்ப்பு கொடுத்த சிறுத்தை சிவா அவர்களுக்கு தனது நன்றியைத் வைத்துக் கொள்வதாகும் நடிகர் விஸ்வநாத் தனது டுவிட்டர் பக்கத்தில் தெரிவித்துள்ளார்
