இயக்குனர் இமயம் பாரதி ராஜாவின் இயக்கத்தில் வெளியான 16 வயதினிலே மற்றும் கிழக்கே போகும் ரயில் போன்ற படங்கள் மாபெரும் வெற்றி பெற்றன. அதுவும் அவரது ரெண்டாவது படமான கிழக்கே போகும் ரயில் ஒரு வருடத்திற்கு மேலே சென்னை தேவி தியேட்டரில் ஓடி இருக்கிறது.

அந்த காலகட்டத்தில் இவர் கிராமத்து பின்னணி கொண்டவர், இவரால் வெறும் கிராமத்து பின்னணி கொண்ட படங்கள் எடுத்து தான் வெற்றி பெற முடியும். சிட்டி பின்னணி கொண்ட படங்களை எடுக்க சரிப்பட்டு வரமாட்டார் என்று இவர் காதுப்படவே நிறைய பேர் பேசி இருக்கிறார்கள். அப்போது இவர் சிகப்பு ரோஜாக்கள் படத்தின் கதையை எழுதிவிட்டு என்னாலும் சிட்டி பின்னணி கொண்ட படத்தை எடுக்க முடியும் என்று தன்னை நிரூபிக்க அந்த காலத்தில் இருந்த இரண்டு முன்னணி நடிகர்களிடம் சிகப்பு ரோஜாக்கள் கதையை சொல்லி இருக்கிறார்.

இவர் மேல் நம்பிக்கை இல்லாமல் அவர்கள் சிகப்பு ரோஜாக்கள் படத்தினை நிராகரித்து விட்டனர். பின்னர் கமலிடம் சொன்னவுடன் கமல் ஒப்புக்கொண்டுள்ளார். T Nagar யில் மிகப்பெரிய பங்களாவை கமலின் பரிந்துரையில் வாடகைக்கு எடுத்துள்ளனர். இந்த சிகப்பு ரோஜாக்கள் படத்தில் இடம்பெற்றிருக்கும் கருப்பு நிற பூனை மூன்றே நாட்களில் காணாமல் போயுள்ளது. இவர்கள் எங்கு தேடியும் அந்த பூனை கிடைக்கவில்லை.

இதனால் அந்த பூனையின் உரிமையாளர் படக்குழுவினர் மீது வழக்கு போட்டுள்ளார். பின்னர் அவரிடம் சமாதானம் பேசி வழக்கை வாபஸ் வாங்க வைத்துள்ளனர். வெறும் 20 நாட்களில் அந்த பங்களாவில் சிகப்பு ரோஜாக்கள் படத்தை எடுத்து முடித்துள்ளார் பாரதி ராஜா. படம் திரையரங்குகளில் வெளியாகி மாபெரும் வெற்றி பெற்றது. சிகப்பு ரோஜாக்கள் படத்தை பார்க்க ரசிகர்கள் கூட்டம் அந்த காலத்தில் தேவி தியேட்டரில் இருந்து அண்ணா சாலை வரைக்கும் நிற்குமாம். தன்னாலும் நகரப்பின்னணி கொண்ட படங்களை எடுத்து வெற்றி பெற வைக்க முடியும் என்று பாரதி ராஜா நிரூபித்தது தான் இந்த சிகப்பு ரோஜாக்கள். அந்த காலத்திலேயே கமலஹாசன் புதுப்புதுக் கதை மற்றும் வித்தியாசமான கதைக்களம் கொண்ட படங்களை தேர்வு செய்து நடித்திருக்கிறார் பாருங்கள்.