News4 TamilOnline Tamil News

ADMK PMK: சட்டமன்ற தேர்தல் நெருங்கி வரும் நிலையில் அதற்கான ஆயத்த பணிகளும் முழு வீச்சில் நடைபெற்று வருகின்றன. ஆளுங்கட்சியான திமுக மாற்று கட்சியினரை தம் கட்சியில் இணைக்கும் பணியினையும், 5 வருடங்களில் மக்களுக்கு செய்த நன்மைகளையும் பட்டியலிட்டு அதனை மக்கள் மனதில் பதிய வைப்பதற்க்கான ஏற்பாடுகளையும் செய்து வருகிறது. ஆனால் அதிமுக, பாமக போன்ற கட்சிகளில் ஆட்சி அதிகாரமும், தலைமை பயமும் தலைவிரித்தாடுகிறது என்றே சொல்லலாம். அதிமுகவில் கூட கட்சி பொறுப்பு யாரிடத்தில் உள்ளது என்ற தெளிவு உள்ளது. ஆனால் பாமகவில் அதிலும் ஒரு சிக்கல் நீடிக்கிறது.

தந்தைக்கும் மகனுக்கும் ஏற்பட்ட பிரச்சனையால் சிதறுண்ட பாமக இரண்டு திசையில் செயல்பட்டு வருகிறது. இந்த சமயத்தில், பாமக யாருடன் கூட்டணி அமைக்கும், உண்மையான பாமக யாரிடம் உள்ளது என்பது போன்ற கேள்விகள் தொடர்ந்து எழுப்பப்பட்டு வருகின்றன. கட்சியின் நிறுவனர் ராமதாஸ் திமுகவிற்கு ஆதரவு செலுத்தி வருவதால் அவர் அந்த கூட்டணிக்கு செல்ல அதிக வாய்ப்பு இருக்கிறது என்று ராமதாசின் ஆதரவாளர்கள் கூறுகின்றனர். மகன் அன்புமணி அதிமுக பக்கம் நிற்பதை கண் கூடாக பார்க்க முடிகிறது.

இது இன்னும் அதிகார பூர்வமாக அறிவிக்கப்படாத நிலையில், அன்புமணி இபிஎஸ்யிடம் ஒரு நிபந்தனை விதித்துள்ளாராம். அது என்னவென்றால், பாமக-அதிமுக கூட்டணி உறுதி செய்யப்பட வேண்டுமென்றால் பாமகவிற்கு இரட்டை இலக்கத்தில் தொகுதிகளையும், ஆட்சியில் பங்கையும் தர வேண்டுமென்று கூறியுள்ளதாக அன்புமணியின் ஆதரவாளர்கள் கூறுகின்றனர். அதிமுக கூட்டணியிலிருக்கும் பாஜக கொங்கு மண்டலத்தை கேட்டு வலியுறுத்தி வருகிறது என்று கூறப்படும் சமயத்தில் அன்புமணியின் இந்த நிபந்தனை இபிஎஸ்க்கு அதிருப்தியை ஏற்படுத்தி இருக்கும் என்று எதிர்பார்க்கப்படுகிறது.

TVK DMK: தமிழக அரசியலில் புதிய பரபரப்பை உருவாக்கி வரும் தளபதி விஜய் தலைமையிலான தமிழக வெற்றிக் கழகம்  சமீபத்தில் அறிவித்துள்ள தனித்து போட்டியிடும்  முடிவு, மாநில அரசியல் கணக்குகளை மாற்றக்கூடும் என எதிர்பார்க்கப்படுகிறது.  தவெக தனித்து களமிறங்குவது திமுகவின் வாக்குகளை காட்டிலும் அதிமுகவிற்கு வாக்கு அடிப்படையில் பெரும் தாக்கத்தை ஏற்படுத்தும் வாய்ப்பு அதிகம் உள்ளது. கடந்த சில ஆண்டுகளில் அதிமுக வாக்காளர்களிடையே ஏற்பட்ட மனச்சோர்வு, புதிய மாற்றத்திற்கான ஆர்வம் ஆகியவை  விஜய்க்கு ஆதரவாக மாறக்கூடும் என கூறப்படுகிறது.

இதனால், பல தொகுதிகளில் ஏற்படும் வாக்கு பிளவால் திமுக மீண்டும் பல்வேறு இடங்களில் வெற்றி பெறும் சூழல் உருவாகும் என்று எதிர்பார்க்கப்படுகிறது. அதேவேளை, தவெக முதன் முறையாக போட்டியிடும் நிலையில், மக்கள் மனநிலை மற்றும் விஜய்யின் ரசிகர்  தாக்கம் காரணமாக சில இடங்களில் இரண்டாவது இடத்தைப் பிடிக்கும் சாத்தியமும் அதிகம் என மதிப்பிடப்படுகிறது. முன்னதாக, விஜய் சமூகப் பிரச்சினைகளில் தனது கருத்துக்களை தெளிவாக வெளிப்படுத்தியதுடன், கல்வி மற்றும் இளைஞர் முன்னேற்றம் தொடர்பான பணிகளில் ஈடுபட்டு வந்தார்.

இதனால், அவருக்கு அரசியலில் தனித்த இடம் உறுதியாகும் என்பதற்கான சாத்தியம் நாளுக்கு நாள் வலுப்பெறுகிறது. இந்நிலையில், திமுகவும் அதிமுகவும் தங்கள் வாக்கு வங்கி குறையாத வகையில் தங்கள் கூட்டணி கட்சிகளுடன் புதிய திட்டங்களை வகுக்கும் பணியில் ஈடுபட்டு வருகின்றன. தமிழக அரசியல் அரங்கு அடுத்தடுத்த மாதங்களில் யாரும் எதிர்பார்த்திராத அளவு சூடுபிடிக்கும் என்பது இதன் மூலம் தெளிவாகிறது.

ADMK DMK: தற்போது ஆளுங்கட்சியாக இருக்கும் திமுக 2026 சட்டமன்ற தேர்தலிலும் வெற்றி பெற்று மீண்டும் ஆட்சிகட்டிலில் அமர வேண்டுமென தீவிர முயற்சியில் ஈடுபட்டு வருகிறது. ஆனால் திமுகவின் கூட்டணி கட்சிகளோ தேர்தல் சமயம் பார்த்து ஸ்டாலினிடம் அதிக தொகுதிகள், ஆட்சியில் பங்கு போன்ற நிபந்தனைகளை முன்வைத்து வருகிறது. விஜய்யின் அரசியல் வருகையிலிருந்து மீள முடியாமல் தவிக்கும் திமுகவிற்கு இது பெரும் சவாலாக அமைந்துள்ளது.

இது ஒரு புறம் இருக்க, மற்றொரு புறம் தேர்தல் நெருங்க நெருங்க அதிமுகவில் பிளவுகள் அதிகரித்து வருகிறது. இதனை சரி செய்ய இபிஎஸ் விஜய் கூட்டணியை சேர்த்து கொள்ளலாம் என்று யூகித்திருந்தார். இவரின் செயல்பாடுகளும் அதனை உறுதிப்படுத்துவது போன்றே அமைந்திருந்தது. ஆனால் விஜய் இதற்கு முற்றுப்புள்ளி வைத்துவிட்டார். தற்போது அதிமுக இருக்கும் நிலையை பார்த்தால் அதற்கு விஜய் உடனான பலம் வாய்ந்த கூட்டணி அவசியம். இல்லையென்றால் அதிமுகவிலிருப்பவர்கள் ஒன்றாக இருக்க வேண்டும். தற்போது அதிமுகவில் இது இரண்டும் இல்லையென்பது உறுதியாகிவிட்டது.

இதன் காரணமாக என்ன செய்வதென்று தெரியாமல் யோசித்த இபிஎஸ் கடைசியாக ஒரு முடிவுக்கு வந்துள்ளார் என்று அதிமுக வட்டாரங்கள் கூறுகின்றன. அதிமுகவிலிருந்து முக்கிய தலைகள் பிரிந்து திமுகவில் ஐக்கியமானது போல திமுகவிலிருக்கும் கூட்டணி கட்சிகளை அதிமுக பக்கம் இழுக்கும் பணியை இபிஎஸ் கையில் எடுத்துள்ளாராம். மேலும் திமுக கூட்டணி கட்சியான விசிகவிற்கு 2 தொகுதிகள் மட்டுமே ஒதுக்கப்பட்டிருப்பதால், அவர்களுக்கு இரட்டை இலக்கத் தொகுதிகள் வழங்க இருப்பதாகவும் தகவல் வெளியாகியுள்ளது.

TVK MDMK: சட்டமன்ற தேர்தலுக்கு இன்னும் சில மாதங்களே உள்ள நிலையில், முக்கிய கட்சிகளில் உள்ள அமைச்சர்களும், நிர்வாகிகளும், வேறு கட்சியில் இணைந்து வருவது தற்போது தொடர்ச்சியாக நடந்து வருகிறது. இதற்காக மாவட்டம் தோறும், மாற்று கட்சியை சேர்ந்தவர்களை தங்களது கட்சியில் இணைக்கும் நிகழ்ச்சிகளும் நடைபெற்று வருகிறது. அந்த வகையில், அதிமுகவிலிருந்து, அன்வர் ராஜா, மைத்ரேயன், மருது அழகு ராஜா, மனோஜ் பாண்டியன் உள்ளிட்ட பலரும் திமுகவில் இணைந்து அதற்கு மேலும் பலத்தை கூட்டியுள்ளனர்.

இந்நிலையில் அண்மையில் மதிமுகவிலிருந்து விலகிய அக்கட்சியின் கொள்கை பரப்பு செயலாளர்  நாஞ்சில் சம்பத் சமீப காலமாகவே விஜய்க்கு ஆதரவு தெரிவித்து வருகிறார். இதன் காரணமாக தான், சென்னையில் நடைபெற்ற திமுகவின் 75 வது அறிவு திருவிழாவிற்கு எனக்கு அழைப்பு விடுக்கப்படவில்லை என்று சமீபத்திய பேட்டியில் கூறியிருக்கிறார். தொடர்ந்து பேசிய அவர், இனிமேல் திமுகவுக்கு அதிமுக போட்டியாக இருக்காது, தவெக தான் போட்டியாக இருக்கும்.

இந்த உண்மையை தான் நான் சொன்னேன் என்று கூறினார். நாஞ்சில் சம்பத் தொடர்ந்து தவெகவுக்கு ஆதரவு அளிப்பதை பார்த்தால் கூடிய விரைவில் இவர் தவெகவில் இணையும் வாய்ப்புகள் அதிகளவில் உள்ளது என்று எதிர்ப்பார்க்கப்படுகிறது. புதிதாக கட்சி துவங்கி இருக்கும் விஜய்க்கு இவர் கட்சியில் இணைந்தால் அது தவெகவுக்கு மிகப்பெரிய பலமாக இருக்கும் என்று கருதப்படுகிறது. இவரின் இந்த இணைவு மதிமுகவின் பொதுச்செயலாளர் வைகோவிற்கு பேரதிர்ச்சியாக இருக்கும் என்று எதிர்ப்பார்க்கப்படுகிறது.

BJP TVK: தமிழகத்தில் நடைபெற இருக்கும் சட்டமன்ற தேர்தலுக்கு இன்னும் 6 மாத காலமே உள்ள நிலையில் அரசியல் களம் சூடு பிடிக்க தொடங்கியுள்ளது. முன்னணி கட்சிகள் அனைத்தும் மக்களை சந்திக்கும் பணிகளிலும், கூட்டணி வியூகங்களிலும் தங்களை முழுமையாக ஈடுபடுத்தியுள்ளன. இந்நிலையில் நடிகர் விஜய்யின் தமிழக வெற்றிக் கழகம் ஆரம்பிக்கப்பட்டு, ஒன்றரை வயதை எட்டிய நிலையில் அதற்கு மிகப்பெரிய வரவேற்பு கிடைத்துள்ளது. விஜய்கான வரவேற்பை பயன்படுத்த நினைத்த அதிமுகவும் பாஜகவும் அவரை கூட்டணியில் சேர்த்து திமுகவை வீழ்த்தி ஆட்சி கட்டிலில் அமர்ந்து விடலாம் என்று திட்டம் தீட்டியது.

ஆனால் விஜய் இவர்கள் கூட்டணிக்கு சம்மதம் தெரிவிக்கவில்லை. கரூர் சம்பவத்தில் விஜய்யின் குரலாக ஒலித்த இரண்டு கட்சிகளுக்கும் ஏமாற்றத்தை பரிசளிக்கும் வகையில், தவெகவின் சிறப்பு பொதுக்குழு கூட்டத்தில், தவெக தலைமையில் கூட்டணி, விஜய் தான் முதல்வர் வேட்பாளர் என்ற தீர்மானம் நிறைவேற்றப்பட்டது. இதனால் ஆத்திரமடைந்த அதிமுகவும், பாஜகவும் விஜய்யை நேரடியாக விமர்சிக்க தொடங்கிவிட்டன. நேற்று நடந்த செய்தியாளர் சந்திப்பில் பேசிய அதிமுக முன்னாள் அமைச்சர் கடம்பூர் ராஜு, 10% வாக்கு கூட இல்லாத கட்சி தவெக என்று கூறியிருந்தார்.

இவரை தொடர்ந்து தஞ்சாவூரில் செய்தியாளர்களை சந்தித்து பேசிய பாஜக மாநில தலைவர் நயினார் நாகேந்திரன், தவெகவை கடுமையாக தாக்கியுள்ளார். தேர்தலின் போது கூட்டத்தை கூட்டி விடலாம், ஆனால் ஆட்சிக்கு வர வேண்டுமென்றால் மக்களின் நன்மதிப்பை பெற வேண்டும். கவுன்சிலர் கூட இல்லாத தவெகவில் திமுகவிற்கும் தவெகவிற்கும் தான் போட்டி என்று கூறுவது ஆச்சரியமாக இருக்கிறது என்று அவர் கூறினார்.

மேலும் கரூர் சம்பவத்தில் விஜய் இடத்தில் யார் இருந்திருந்தாலும் அவர்களுக்கும் பாஜக ஆதரவு அளித்திருக்கும் என்றும் அவர் தெரிவித்தார். இவரின் இந்த கருத்து கவனத்தை ஈர்த்துள்ளது. விஜய்க்கு எந்த கட்சியும் ஆதரவு தெரிவிக்காத சமயத்தில், அவருக்கு ஆதரவாகவும், தவெகவின் குரலாகவும் ஒலித்தது அதிமுகவும், பாஜகவும் மட்டும் தான். தற்போது அதுவும் விஜய்க்கு எதிராக மாறிவிட்டது. உலகிலேயே பெரிய கட்சியான பாஜகவும், மிகப்பெரிய திராவிட கட்சியான அதிமுகவும் ஒருசேர தவெகவை எதிர்த்தால் விஜய் அதனை எப்படி சமாளிப்பார் என்பது தற்போதைய கேள்வியாக உள்ளது.

DMK ADMK TVK: அடுத்த வருடம் நடைபெற இருக்கும் சட்டமன்ற தேர்தலுக்காக அதிமுக, திமுக, நாதக, தேமுதிக, பாமக மற்றும் புதிதாக உருவெடுத்த தவெக போன்ற கட்சிகள் தீவிர ஈடுபாட்டில் உள்ளன. வழக்கம் போல இந்த தேர்தலிலும் அதிமுகவிற்கும், திமுகவிற்கும் இடையே போட்டி நிலவும் என்று எதிர்பார்த்த சமயத்தில், திமுக தான் தனது அரசியல் எதிரி என்று கூறிய விஜய் பரபரப்பை கிளப்பினார். இது திமுகவிற்கு பெரும் சவாலாக அமைந்தாலும், அதிமுகவிற்கு சாதகமாகவே இருந்தது. ஆனாலும் அதிமுகவிற்கு இந்த செய்தி அதன் மதிப்பை குறைப்பது போல அமைந்தது.

இதனை இபிஎஸ் ஏற்றுகொள்ளவில்லை. எத்தனை புதிய கட்சிகள் வந்தாலும் அதிமுகவிற்கும்-திமுகவிற்கு தான் போட்டி என்று இபிஎஸ் கூறியிருந்தார். இத்தனை வருடங்களாக திமுகவும், அதிமுகவை தனது எதிரி என்று கூறி வந்த நிலையில் தற்போது அந்த நிலைப்பாட்டில் இருந்து பின் வாங்கியுள்ளதாக தெரிகிறது. ஏனென்றால் சமீப காலமாகவே திமுகவின் இரண்டாம் கட்ட தலைவர்கள் தொடங்கி திமுக தலைமை வரை புதிய எதிரிகள், பழைய எதிரிகள் என்று தவெகவையும் எதிரி பட்டியலில் சேர்த்து விட்டார்கள்.

ஆனால் தற்போது அந்த நிலை மாறி திமுகவின் எதிரிகள் வரிசையில் பாஜக முதலிடம் பிடித்துள்ளது. இது குறித்து செய்தியாளர்களிடம் பேசிய சபாநாயகர் அப்பாவு, 2026 தேர்தலில் மக்களின் ஆதரவால் ஸ்டாலின் மீண்டும் முதல்வராக வருவார் என்றும், இந்த தேர்தலில் திமுகவிற்கும், பாஜகவிற்கும் தான் கடுமையான போட்டி நிலவ கூடும் என்றும் அவர் தெரிவித்தார். இவரின் இந்த கருத்து, அதிமுகவையும், தவெகவையும், திமுக எதிரியாகவே கருதவில்லை என்பதை நிரூபித்திருப்பதாக அரசியல் ஆர்வலர்கள் கூறுகின்றனர்.

ADMK TVK: தமிழக அரசியலில் புதிய திருப்பங்களை ஏற்படுத்தும் வகையில் பல்வேறு விஷயங்கள் நடந்து வருகின்றன. அதிலும் முக்கியமாக தமிழ் திரையுலகில் பிரபல நடிகராக அறியப்பட்ட விஜய் தனது ரசிகர் மன்றத்தை தமிழக வெற்றிக் கழகம் என்னும் அரசியல் கட்சியாக மாற்றி அது மக்களிடையே பெரும் வரவேற்பை பெற்றது திராவிட கட்சிகளின் மத்தியில் அதிருப்தியை ஏற்படுத்தியுள்ளது. இது மற்ற கட்சிகளை விட திமுகவிற்கு பெரிய அச்சுறுத்தலாக இருந்தது. ஏனென்றால், விஜய் தனது முதல் மாநாட்டிலேயே திமுகவை அரசியல் எதிரி என்று கூறினார்.

இது அதிமுகவிற்கு அனைத்து வகையிலும் சாதகமாக அமைந்தது. அதிமுகவிற்கும் திமுக எதிரி என்பதால் விஜய்யுடன் சேர்ந்து அதனை வீழ்த்தி விடலாமென இபிஎஸ் கணக்கிட்டார். ஆனால் இபிஎஸ்யின் ஆசை ஏமாற்றத்தில் முடிந்தது. அதிமுக கூட்டணிக்கு விஜய் நேரடியாக நோ சொல்லியதால் ஆத்திரமடைந்த இபிஎஸ் அதிமுகவின் இரண்டாம் கட்ட தலைவர்களை வைத்து விஜய்யை மறைமுகமாக அட்டாக் செய்து வருகிறார். இந்நிலையில் தூத்துக்குடி மாவட்டம் கோவில்பட்டியில் அதிமுக நிர்வாகிகள் ஆலோசனை கூட்டம் நடைபெற்றது. இதில் கலந்து கொண்டு பேசிய அதிமுக முன்னாள் அமைச்சர் கடம்பூர் ராஜூ விஜய் தன்னை முதல்வர் வேட்பாளராக அறிவித்ததை விமர்சித்திருக்கிறார்.

எந்த ஒரு புதிய கட்சி ஆரம்பிக்கப்படும் போதும் அந்த கட்சி தலைவர்கள், நான் தான் முதல்வர் வேட்பாளர் என்று கூறுவது இயற்கை. 10 சதவீதத்திற்கு கீழ் வாக்கு வைத்திருப்பவர்களை கூட முதல்வர் வேட்பாளராக முன் நிறுத்துவார்கள் என்றும், தேர்தல் திருவிழாவில் இதெல்லாம் சகஜம் என்றும் கூறினார். ஏற்கனவே திமுக விஜய்யை எதிர்த்து வரும் நிலையில், கூட்டணிக்கு விஜய் மறுப்பு தெரிவித்ததால் அதிமுக அமைச்சர்களும் தவெகவை நேரடியாக விமர்சிக்க ஆரம்பித்து விட்டனர். மேலும் சிபிஐ மூலம் பாஜகவும் விஜய்யை எதிர்க்க தயாராகிவிட்டது. புதிதாக களம் காண இருக்கும் விஜய் எப்படி இவ்வளவு எதிர்ப்புகளை சமாளிப்பார் என்பது தற்போதைய கேள்வியாக உள்ளது.

ADMK DMK: தமிழகத்தில் இன்னும் 6 மாதத்தில் நடைபெற இருக்கும் சட்டமன்ற தேர்தலுக்காக கட்சிகளனைத்தும் தேர்தல் வேட்டையில் மும்முரமாக உள்ளன. அதிமுக மக்களை காப்போம் தமிழகத்தை மீட்போம் என்ற சுற்றுப்N பயணத்ததையும், திமுக ஓரணியில் தமிழ்நாடு என்ற பெயரிலும் சுற்றுப் பயணத்தை தொடங்கியுள்ளது. தேமுதிக, பாமக போன்ற கட்சிகளும் கூட்டணி கணக்குகளில் தீவிரமாக உள்ளன.

இது மட்டுமல்லாமல், தேர்தல் நெருங்கும் சமயத்தில் முக்கிய கட்சிகளை சேர்ந்த நிர்வாகிகளும், அமைச்சர்களும் வேறு கட்சியில் இணைவது வழக்கம். இதற்காக, பல்வேறு இடங்களில் மாற்று அணியினரை தங்கள் கட்சியில் சேர்க்கும் விழாவும் நடைபெறும். அந்த வகையில் அதிமுகவிலிருந்து அன்வர் ராஜா, மைத்ரேயன், மனோஜ் பாண்டியன், மருது அழகு ராஜா உள்ளிட்ட முக்கிய அமைச்சர்கள் திமுகவில் இணைந்துள்ளனர். இவர்களை தொடர்ந்து, வைத்தியலிங்கத்தையும் திமுகவில் சேர்ப்பதற்கான முயற்சி நடந்து வருகிறது.

இவர்கள் திமுகவில் இணைந்தது ஸ்டாலினுக்கு மேலும் பலத்தை கூட்டினாலும் இது திமுக அமைச்சர்களுக்கு பெரிய சவாலாகவே அமைந்துள்ளது. ஏனென்றால், அதிமுகவிலிருந்து திமுகவிற்கு வந்தவர்கள் அனைவரும் முக்கிய அமைச்சர்கள் என்பதால், இவர்களுக்கு 2026 தேர்தலில் சீட் வழங்கும் வாய்ப்பு உள்ளது. இதனால் தற்போதுள்ள அமைச்சர்களின் பதவி பறிக்கப்படும். இவர்களின் வருகை திமுகவில் இருப்பவர்களுக்கு பாதிப்பு ஏற்படுவதால் திமுகவில் பிளவு ஏற்பட வாய்ப்பு உள்ளது என்று எதிர்ப்பார்க்கப்படுகிறது. இதன் காரணமாக தற்போதுள்ள அமைச்சர்களின் அடுத்த கட்ட நடவடிக்கை என்னவாக இருக்கும் என்பது தற்போதைய கேள்வியாக உள்ளது.

ADMK:மிகப்பெரிய திராவிட கட்சியாக அறியப்படும் அதிமுக அதன் முன்னாள் தலைவர்கள் இல்லாமல் வலுவிழந்து காணப்படுகிறது. அதிமுகவை ஜெயலலிதா வழிநடத்திய போது ஏற்படாத பிரிவினைகள், இபிஎஸ் தலைமையில் அரங்கேறி வருகிறது. தலைமைக்கு எதிராக செயல்படுபவர்களை கூட ஜெயலலிதா அரவணைத்து சென்றார். இபிஎஸ் அதற்கு எதிர்மாறான வேலைபாடுகளை செய்து வருகிறார். கட்சியின் மூத்த தலைவர்களாகவும், ஜெயலலிதாவிற்கு மிக நெருக்கமானவர்களையும் கட்சியின் அடிமட்ட தொண்டன் உள்ளிட்ட அனைத்து பதவிகளிலிருந்தும் இபிஎஸ் நீக்கியது அனைவரும் அறிந்த ஒன்று.

இதனால் அவர்கள் தொண்டர்களின் வாக்கு அதிமுகவிற்கு சட்டமன்ற தேர்தலில் பாதிப்பை ஏற்படுத்தும் என்று கணிக்கப்பட்டது. அதிலும் முக்கியமாக, செங்கோட்டையனை கட்சியிலிருந்து நீக்கியது கொங்கு மண்டலத்தில் அதிமுகவிற்கு பெரிய பாதிப்பை ஏற்படுத்தும் என்று கூறப்படுகிறது. கொங்கு மண்டலம் முழுக்க தாக்கத்தை ஏற்படுத்தாவிட்டாலும், ஈரோட்டில் கணிசமான அளவு தாக்கத்தை ஏற்படுத்துமென்று மதிப்பிடப்படுகிறது. முக்கிய தலைவர்களை நீக்கிவிட்டாலும் விஜய் அதிமுக கூட்டணிக்கு வந்து விட்டால் பிரிந்து சென்றவர்களின் வாக்கு வங்கியை விஜய் மூலம் சரிகட்டி விடலாமென்று இபிஎஸ் நினைத்த சமயத்தில் விஜய் அதிமுக தலைமையிலான கூட்டணிக்கு முற்றுப்புள்ளி வைத்தார்.

இந்நிலையில், தற்போது அதிமுக, பாஜக உடன் மட்டுமே கூட்டணி அமைத்திற்கும் நிலையில், இந்த கூட்டணி தேர்தலில் வெற்றிப்பெறுவதற்கு வாய்ப்பு இல்லையென்று, கருத்து கணிப்பு கூறுகிறது. இந்த கூட்டணியால், ஜஸ்ட் பாஸ் மட்டுமே ஆக முடியும் என்ற கருத்தும் வலுப்பெற்று வருகிறது. தவெக தலைமையிலான கூட்டணிக்கு சம்மதம் தெரிவித்து, விஜய்யை முதல்வர் வேட்பாளராக ஏற்றுக்கொண்டால், அதிமுக இந்த தேர்தலில் ஜெயிக்க வாய்ப்பிருக்கிறது என்று அரசியல் ஆர்வலர்கள் கூறி வருகின்றனர்.

DMK TVK: சட்டமன்ற தேர்தலுக்காக தேர்தல் களம் பரபரப்பாக செயல்பட தொடங்கியுள்ள நிலையில், கூட்டணி வியூகங்களும் வலுபெற தொடங்கியுள்ளன. 2026 தேர்தல் களம் எப்போதும் இல்லாத அளவிற்கு மாறாக இந்த முறை புதிய வேகமெடுத்துள்ளது. இதற்கு முக்கிய காரணமாக பார்க்கப்படுவது விஜய்யின் வருகை. விஜய் தனது ரசிகர் மன்றத்தை தமிழக வெற்றிக் கழகம் என்னும் அரசியல் கட்சியாக மாற்றியுள்ளார். இவர் கட்சி ஆரம்பித்தது முதலே, திமுக தான் தவெகவின் அரசியல் எதிரி என்று கூறி வருகிறார்.

அது மட்டுமல்லாமல், நான் தான் முதல்வர் வேட்பாளர், தவெக தலைமையில் தான் கூட்டணி போன்ற பல்வேறு முக்கிய அறிவிப்புகளை அறிவித்தார். இன்னும் ஒரு தேர்தலை கூட சந்திக்காத விஜய் முதல்வர் நாற்காலிக்கு ஆசைப்படுவதை அனைத்து கட்சிகளும் விமர்சித்து வந்தன. மேலும் முதல் தலைமுறை வாக்காளர்களும், இளைஞர்களும், 70 வருடங்களுக்கும் மேலாக தமிழகத்தில் மாறி மாறி ஆட்சி அமைத்து வரும், அதிமுக, திமுகவை விட்டு விட்டு தவெகவிற்கு ஆதரவு தெரிவித்தால், தவெகவின் தொண்டர்களை அரசியல் அறிவு இல்லாதவர்கள் என்றும், தற்குறிகள் மற்றும் வேறு சில தகாத வார்த்தைகளாலும் திமுகவை சேர்ந்தவர்கள் ஊடகங்களில் விமர்சித்து வந்தனர்.

இந்நிலையில், திமுக எம்எல்ஏ எழிலன், தவெகவிற்கு ஆதரவாக ஒரு கருத்தை கூறியிருக்கிறார். தவெகவில் இருப்பவர்கள் ரசிகர் கூட்டமாகவே இருந்தாலும், அவர்களை விமர்சிக்காமல், அவர்களுடன் உரையாட தொடங்க வேண்டும் என்று கூறினார். மேலும், தவெக இளைஞர்கள் தற்குறி அல்ல, நம்ப பசங்க தான் என்று அவர் கூறியது தற்போது பெரிய விவாதமாகியுள்ளது. இவரின் இந்த கருத்து தவெகவிற்கு சாதகமாக இருக்கிறது என்று பலரும் கூறி வருகின்றனர். இதன் காரணமாக ஸ்டாலின் இவர் மீது கடும் கோபத்தில் உள்ளார் என்றும் திமுக வட்டாரங்கள் கூறுகின்றன.