இந்தியன் 2’ படப்பிடிப்பின்போது பிறந்த நாளை கொண்டாடிய பிரபல நடிகர்!

உலக நாயகன் கமல்ஹாசன் நடிப்பில் பிரம்மாண்ட இயக்குனர் ஷங்கரின் இயக்கத்தில் உருவாகி வரும் ’இந்தியன் 2’ படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்று வருகிறது

இந்த படத்தின் முதல்கட்ட படப்பிடிப்பு சென்னையிலும் அதனை அடுத்து ஆந்திராவிலும் நடைபெற்ற நிலையில் தற்போது வட இந்தியாவில் இந்த படத்தின் படப்பிடிப்பு நடைபெற்று வருகிறது

இந்நிலையில் இந்த படத்தில் முக்கிய கேரக்டர் ஒன்றில் நடித்து வரும் நடிகர் பாபிசிம்ஹா இன்று தனது பிறந்தநாளை படக்குழுவினருடன் சந்தோசமாக கொண்டாடினார். பிரம்மாண்டமாக வடிவமைக்கப்பட்டு பிறந்த நாள்கேக்கை பாபி சிம்ஹா வெட்ட, படக்குழுவினர் அனைவரும் கைதட்டி அவருக்கு வாழ்த்து கூறினார். இந்த பிறந்தநாள் விழாவில் இயக்குநர் ஷங்கர், நடிகர் விவேக் உள்பட படக்குழுவினர் அனைவரும் கலந்து கொண்டனர்

இந்தியன் 2’ படத்தை தவிர நடிகர் பாபிசிம்ஹா தற்போது, ‘சீறும் புலி’, ‘வல்லவனுக்கு வல்லவன்’ ஆகிய படங்களில் ஹீரோவாக நடித்து வருகிறார் என்பது குறிப்பிடத்தக்கது