கோப்ரா படத்தின் சென்சார் & ரன்னிங் டைம் பற்றி வெளியான தகவல்
விக்ரம் நடித்துள்ள கோப்ரா திரைப்படம் ஆகஸ்ட் 31 ஆம் தேதி ரிலீஸ் ஆக உள்ளது.
நடிகர் விக்ரம் நடிப்பில் மகான் திரைப்படத்துக்குப் பிறகு அடுத்த ரிலீஸாக வர உள்ளது கோப்ரா. இயக்குனர் அஜய் ஞானமுத்து இயக்கியுள்ள இப்படம் தமிழ், தெலுங்கு மற்றும் ஹிந்தியில் ஒரே நேரத்தில் ரிலீஸாகிறது. படத்தை தமிழகத்தில் ரெட் ஜெயண்ட் மூவிஸ் நிறுவனம் வெளியிடுகிறது. ஆகஸ்ட் 11 ஆம் தேதி ரிலீஸ் ஆகும் என அறிவிக்கப்பட்டு பின்னர் ஆகஸ்ட் 31 ஆம் தேதிக்கு மற்றப்பட்டுள்ளது.எதிர்பார்த்த நேரத்துக்குள் படத்தின் கிராபிக்ஸ் காட்சிகளின் வேலை இன்னும் முடியாததால் அந்த தேதியில் ரிலீஸ் ஆகவில்லை.
படத்தில் விக்ரம்முடன் ஸ்ரீநிதி ஷெட்டி, இர்பான் பதான் உள்ளிட்ட பலர் நடித்துள்ளனர். இந்த படத்துக்கு இசைப்புயல் ஏ ஆர் ரஹ்மான் இசையமைத்துள்ளார். 3 ஆண்டுகளாக உருவாக்கத்தில் இருந்த கோப்ரா திரைப்படம் பெரும் வரவேற்புகளுக்கு மத்தியில் ரிலீஸ் ஆக உள்ளது.சமீபத்தில் படத்தின் ஆடியோ ரிலீஸ் விழா நடந்தது.
இந்நிலையில் இப்போது இந்த படம் சென்சார் செய்யப்பட்டுள்ளது. படத்துக்கு UA சான்றிதழ் வழங்கப்பட்டுள்ளது. குழந்தைகள் பெற்றோர்களின் வழிகாட்டுதலோடு இந்த படத்தைப் பார்க்கலாம். அதே போல படம் 2 மணிநேரம் 55 நிமிடங்கள் ஓடும் என அறிவிக்கபட்டுள்ளது. தற்போதைய காலத்தில் 2.15 மணிக்குள் எடுக்கப்படும் படங்களையே ரசிகர்கள் விரும்புகிறார்கள். அந்தவகையில் கோப்ரா சற்று நீளமான படமாகவே பார்க்கப்படுகிறது.
