எச்ஐவி பாதித்த ஒரு பெண்ணின் உடம்பில் 216 நாட்களில் கொரோனா இருந்துள்ளது. அந்நாட்களில் 30 முறை உருமாற்றம் அடைந்து உள்ளது என ஆய்வில் தெரிவிக்கப்பட்டுள்ளது.
தென்னாப்பிரிக்காவில் உள்ள 36 வயதுடைய எச்ஐவி பாதித்த இந்தப் பெண்ணின் உடம்பில் தான் ஏழு மாதத்திற்கு மேல் கொரோனா உடம்பில் இருந்துள்ளது.
எச்ஐவி மற்றும் புற்றுநோய் ஆகிய நோய்களால் பாதிக்கப்பட்டவர்கள் கொரோணா ஏற்பட்டால் எளிதில் குணமாகாது. அவர்களுக்கு நோய் எதிர்ப்பு சக்தி மிகவும் குறைவு என்பதால் நீண்ட நாட்கள் உடலிலேயே தங்கிவிடும். சாதாரணமான மனிதர்களைவிட இவர்கள் இறக்கும் வாய்ப்பு அதிகம் உள்ளது என நிபுணர்கள் கூறுகின்றனர்.
இந்நிலையில்தான் தென் ஆப்பிரிக்காவில் உள்ள ஒரு பெண் அதுவும் 36 வயதுடைய ஒரு பெண் எச்ஐவியால் பாதிக்கப்பட்டுள்ளார். அவருக்கு கொரோனா தொற்று ஏற்பட்டுள்ளது. அந்த வைரஸ் 216 நாட்கள் அந்த பெண்ணின் உடம்பில் இருந்துள்ளது. அதுமட்டுமில்லாமல் 30 வகை ஆக அந்த கொரோனா வைரஸ் உருமாறி உள்ளது. அந்தப் பெண்ணின் உடம்பில் தோன்றிய அந்த உருமாறிய வைரஸ் பரவும் வகையானதா? என்று நிபுணர்கள் ஆய்வு செய்து வருகிறார்கள்.
பொதுவாக எச்ஐவி பாதித்தவர்கள் கொரோனா தொற்றால் பாதிக்கப்படும் பொழுது இறக்கும் விகிதம் அதிகமாக இருக்கும். ஆனால் இந்தப் பெண்ணின் இறப்பு விகிதம் எதிர்பார்த்ததை விட சற்று குறைவாகவே உள்ளது என்று தெரிவித்துள்ளனர்.
ஐரோப்பிய நாடான பிரிட்டனில் இப்பொழுது டெல்டா வகை கொரோனா வைரஸ் பரவி வருகிறது. அது மற்ற கொரோனா வைரஸ் விட எளிதில் மக்களுக்கு பரவிவிடும். மற்ற வகை வைரஸ்களை விட 40% வீரியத்துடன் அதிகமாக பரவும். மறுபரிசீலனை செய்ய வருகிற 21-ஆம் தேதி வரை நீட்டிப்பு வேண்டும் என கூறியுள்ளார். டெல்டா வகையினால் பாதிக்கப்பட்டு மருத்துவமனைகளில் சிகிச்சை பெற்று வரும் நோயாளிகள் ஒருவர் கூட ஒரு டோஸ் தடுப்பு ஊசி கூட போட்டுக்கொள்ளவில்லை. இவ்வாறு ஐரோப்பிய நாடான பிரிட்டன் சுகாதாரத்துறை அமைச்சர் மாட் ஹான்காக், செய்தியாளர்களிடம் கூறியுள்ளார்.