திருச்சிற்றம்பலம் படத்தில் நயன்தாரா & சமந்தா… தனுஷின் சாயஸ் இவர்கள்தானாம்!
தனுஷ் நடித்துள்ள திருச்சிற்றம்பலம் திரைப்படம் கடந்த வாரம் வெளியாகி மிகப்பெரிய வெற்றியைப் பெற்றுள்ளது.
தனுஷ் நடிப்பில் அசுரன் திரைப்படத்துக்குப் பிறகு வெளியான படங்கள் எதிர்பார்த்த வெற்றியைப் பெறவில்லை. ஜகமே தந்திரம், மாறன் மற்றும் கலாட்டா கல்யாணம் ஆகிய படங்கள் ஓடிடியில் வெளியாகி ரசிகர்களிடம் எதிர்மறையான விமர்சனங்களைப் பெற்றன. இதையடுத்து மிகப்பெரிய அளவில் எதிர்பார்ப்பில்லாமல் வந்த திருச்சிற்றம்பலம் திரைப்படம் நல்ல வரவேற்பைப் பெற்று தனுஷின் ஹிட் படங்களின் பட்டியலில் இணைந்துள்ளது.
இந்நிலையில் படத்தில் நடித்துள்ள மூன்று கதாநாயகிகளில் நித்யா மேனன் ரசிகர்களை வெகுவாகக் கவர்ந்துள்ளார். தனுஷ் உள்ளிட்ட அனைவரையும் தூக்கி சாப்பிட்டு படத்தை தாங்கிப் பிடிப்பதே அவர்தான் என்றும், அவருக்காக மீண்டும் படம் பார்ப்போம் என்றும் படம் பார்த்த ரசிகர்கள் சமூகவலைதளங்களில் தெரிவித்து வருகின்றனர். படத்தில் நித்யா மேனன் தனுஷின் தோழியாக நடித்துள்ளார். அதேபோல பாரதிராஜாவின் கதாபாத்திரமும் மிகப்பெரிய அளவில் ரசிகர்களைக் கவர்ந்துள்ளது.
இந்நிலையில் படம் பற்றிய சுவாரஸ்யமான தகவல் ஒன்று இணையத்தில் வெளியாகியுள்ளது. இந்த படத்தை முதலில் தனுஷே தயாரிப்பதாக இருந்ததாம். அப்போது நித்யா மேனன் நடித்த வேடத்தில் நடிக்க நயன்தாராவையும், ராஷி கண்ணா நடித்த வேடத்தில் நடிக்க ஹன்சிகாவையும், பிரியா பவானி சங்கர் நடித்த வேடத்தில் நடிக்க சமந்தாவையும் சாய்ஸாக வைத்திருந்தார்களாம். ஆனால் படம் தாமதமாகி சன் பிக்சர்ஸ் கைக்கு வந்த போது பட்ஜெட்டைக் குறைக்க கதாநாயகிகளை மாற்றியதாக சொல்லப்படுகிறது.
