தமிழ்நாடு, ஆந்திரா, கேரளா, கர்நாடகா மற்றும் மகாராஷ்டிரா ஆகிய 5 மாநிலங்களிலும் சினிமா எடுப்பது என்பது முக்கிய தொழிலாக பார்க்கப்படுகிறது. இந்த தொழிலில் கோடிகளை அள்ளியவர்களும் இருக்கிறார்கள். கோடிகளை விட்டு தெருவில் நின்றவர்கள் இருக்கிறார்கள். ஒருவகையில் சினிமா என்பதும் சூதாட்டம்தான்.

கோலிவுட்டில் ஒவ்வொரு வருடமும் பல திரைப்படங்கள் உருவாகி வருகிறது. ஆனால், அவை எல்லாமே வெற்றி பெறுவது இல்லை. 2024ம் வருடம் வருடம் தமிழ் சினிமாவில் உருவான படங்களின் மொத்த பட்ஜெட் 1000 கோடிக்கும் மேல். ஆனால், அதில் வெற்றிப்படங்கள் மிகவும் குறைவு. கேரளா, ஆந்திரா போன்ற மாநிலங்களில் ஒரு வருடத்தில் வெளியாகும் படங்களில் பெரும்பாலும் வெற்றிப்படங்களாக அமைந்துவிடுகிறது.

அதற்கு காரணம் அவர்கள் தேர்ந்தெடுக்கும் கதைகள்தான். குறிப்பாக மலையாளத்தில் சிறப்பான, ரசிக்க வைக்கும் திரைப்படங்களை இயக்குகிறார்கள். அதனால்தான் அவர்களால் வெற்றி பெற முடிகிறது. ஆந்திராவை பொறுத்தவரை அங்குள்ள ரசிகர்கள் சினிமா பார்ப்பதில் அதிக ஆர்வம் உள்ளவர்கள். ஆனால், தமிழ்நாட்டில் அப்படி இல்லை. படம் நன்றாக இருந்தால் மட்டுமே அந்த திரைப்படத்திற்கு அதிக வரவேற்பு கொடுப்பார்கள்.

ஒரு படத்தில் நஷ்டம் என்றால் அடுத்த படத்தில் லாபம் எடுப்போம் என்கிற நம்பிக்கையில்தான் தயாரிப்பாளர்கள் தொடர்ந்து படங்களை எடுத்து வருகிறார்கள். எப்படியாவது லாபத்தை எடுத்துவிட வேண்டும் என்கிற நோக்கில் தொடர்ந்து படங்களை தயாரிப்பாளர் எடுத்து கொண்டே இருக்கிறார்கள். இந்நிலையில், 2026ல் வெளியான 72 படங்களில் மதகஜராஜா, டிராகன், குடும்பஸ்தன் போன்ற சில படங்கள் மட்டுமே வெற்றிப்படங்களாக அமைந்திருக்கிறது. வசூலை பொறுத்தவரை 152 கோடி வசூல் செய்து டிராகன் படம் முதலிடத்தில் இருக்கிறது. விடாமுயற்சி படம் 138 கோடி வசூல் செய்து இரண்டாம் இடத்திலும், மதகஜராஜா 63 கோடி வசூல் செய்து 3ம் இடத்திலும் இருக்கிறது.