சமீப காலமாக சமூக வலைத்தளங்களில் பாதுகாப்பு கேள்விக் குறியாகி வருகிறது.
குறிப்பாக ஃபேஸ்புக்கில் ஃபேக் ஐடியில் உலா வரும் விஷமிகள் புகைப்படங்களை முறைகேடாக பயன்படுத்துவது போன்றவற்றை செய்வதால் அவர்கள் கடும் பாதிப்புக்கு உள்ளாகிறார்கள். குறிப்பாக பெண்கள் இதனால் பெரும் மன உளைச்சலுக்கு உள்ளாகிறார்கள்.
இதனை கருத்தில் கொண்டு ஃபேஸ்புக் ‘Lock Profile’ எனும் புதிய அம்சத்தை அறிமுகப்படுத்தியுள்ளது. இதை ஆக்டிவேட் செய்வது மூலம் நமது நண்பர்கள் வட்டத்தில் இல்லாதவர்கள், நாம் ப்ரொஃபைலில் வைத்திருக்கும் புகைப்படத்தை zoom செய்து பார்க்கவோ, பதிவிறக்கம் செய்யவோ, மற்றவர்களுடன் அதனை பகிரவோ முடியாது என ஃபேஸ்புக் தெரிவித்துள்ளது.
இந்த வசதியை ஆக்டிவேட் செய்ய, பயனர்கள் ஃபேஸ்புக்கில் தங்கள் பெயருக்கு கீழ் தரப்பட்டிருக்கும் More என்பதை அழுத்தினால் ‘Lock Profile’என்பது வரும். அதை அழுத்தினால் இந்த அம்சம் உங்கள் ப்ரொஃபைலுக்கு ஆக்டிவேட் ஆகிவிடும்.
உடனடியாக இதை பின்பற்றி உங்களை தற்காத்து கொள்ளுங்கள் சகோதரிகளே.