உங்கள் தலையில் பொடுகு பாதிப்பு அதிகமாக இருந்தால் கீழே கொடுக்கப்பட்டுள்ள இயற்கை வைத்தியத்தை செய்து பாதிப்பில் இருந்து மீளுங்கள்.
தலையில் பொடுகு வரக் காரணங்கள்:
*உரிய பராமரிப்பின்மை
*பருவநிலை மாற்றம்
*தலையில் அதிகளவு வியர்த்தல்
*மன அழுத்தம்
பொடுகு தொல்லையால் ஏற்படும் பாதிப்புகள்:
*தலை அரிப்பு
*தலை முடியில் துர்நாற்றம்
*முடி உதிர்வு
*தலையில் புண்கள் உருவாதல்
*ஸ்கால்ப்பில் எரிச்சல் உணர்வு
தேவையான பொருட்கள்:-
1)கொய்யா இலை – பத்து
2)துளசி இலைகள் – இரண்டு ஸ்பூன்
3)கடலை மாவு – இரண்டு தேக்கரண்டி
பயன்படுத்தும் முறை:-
செய்முறை விளக்கம் 01:
முதலில் கொய்யா இலை மற்றும் துளசி இலைகளை தண்ணீர் போட்டு சுத்தம் செய்து கொள்ள வேண்டும்.
செய்முறை 02:
அடுத்து இந்த இரண்டு இலைகளையும் மிக்சர் ஜாரில் போட்டு பேஸ்ட் பதத்திற்கு அரைத்துக் கொள்ள வேண்டும்.
செய்முறை 03:
இந்த இலை பேஸ்டை கிண்ணத்தில் போட்டு தேவையான அளவு கடலை மாவு சேர்த்து கலந்து தலைமுடியின் மயிர்க்கால் பகுதியில் தடவி ஒரு மணி நேரம் ஊறவைக்க வேண்டும்.
செய்முறை 04:
பின்னர் மைல்டு ஷாம்பு பயன்படுத்தி தலைமுடியை அலசி சுத்தம் செய்து கொள்ள வேண்டும்.இதை தொடர்ந்து செய்து வந்தால் பொடுகு பிரச்சனை நீங்கும்.
தேவையான பொருட்கள்:-
1)வெந்தயம் – ஒரு தேக்கரண்டி
2)வேப்பிலை – ஒரு கைப்பிடி
3)கற்றாழை துண்டு – இரண்டு
4)பாசிப்பயறு – ஒரு தேக்கரண்டி
பயன்படுத்தும் முறை:-
செய்முறை 01:
கிண்ணம் ஒன்றில் வெந்தயம் மற்றும் பாசிப்பருப்பு போட்டு தண்ணீர் ஊற்றி இரண்டு முதல் மூன்று மணி நேரம் ஊறவைக்க வேண்டும்.
செய்முறை 02:
பிறகு கற்றாழை மடல் துண்டுகள் இரண்டு எடுத்து தண்ணீரில் போட்டு கழுவி சுத்தம் செய்து கொள்ள வேண்டும்.
செய்முறை 03:
அடுத்து ஒரு கைப்பிடி வேப்பிலையை பாத்திரத்தில் போட்டு அலசி சுத்தம் செய்து கொள்ள வேண்டும்.இப்பொழுது வேப்பிலை,ஊறவைத்த வெந்தயம்,பாசிப்பயறு மற்றும் கற்றாழை துண்டுகளை போட்டு பேஸ்ட் பதத்திற்கு அரைத்துக் கொள்ள வேண்டும்.
செய்முறை 04:
பிறகு இந்த பேஸ்டை தலை முழுவதும் அப்ளை செய்து ஒன்று முதல் இரண்டு மணி நேரம் ஊறவைக்க வேண்டும்.
செய்முறை 05:
அதன் பிறகு வெது வெதுப்பான தண்ணீர் கொண்டு தலையை அலசி சுத்தம் செய்து கொள்ள வேண்டும்.இந்த ஹேர் பேக் தலையில் உள்ள பொடுகை போக்க உதவுகிறது.