Good bad ugly: அஜித் ரசிகர்கள் அதிகம் எதிர்பார்க்கும் திரைப்படமாக இருக்கிறது குட் பேட் அக்லி. ஏனெனில், விடாமுயற்சி படம் ரசிகர்களின் எதிர்ப்பார்ப்பை பூர்த்தி செய்யவில்லை. குட் பேட் அக்லி படத்தில் அஜித் ரசிகர்களுக்கு பிடித்தமான பல காட்சிகள் இடம் பெற்றிருக்கிறது. ஏற்கனவே வெளியான டீசர் மற்றும் டிரெய்லர் வீடியோவில் அஜித் ஏற்கனவே நடித்து வெளியான பில்லா, மங்காத்தா, தீனா போன்ற படங்களின் ரெப்ரன்ஸ் இந்த படத்தில் இருந்தது.

இந்த படத்தில் வில்லனாக அர்ஜூன் தாஸ் நடித்திருக்கிறார். மேலும், திரிஷா, சிம்ரன், யோகி பாபு உள்ளிட்ட பலரும் நடித்திருக்கிறார்கள். சமீபத்தில் வெளியான டிரெய்லர் வீடியோ வெளியாகி டபுள் டமாக்காவாக அமைந்திருக்கிறது. ஏனெனில், டீசரில் அமைந்ததை விட பல மடங்கு மாஸான காட்சிகள் டிரெய்லரில் இடம் பெற்றிருக்கிறது. குட் பேட் அக்லி படம் 10ம் தேதியான இன்று உலகமெங்கும் வெளியாகியுள்ளது.

இந்தியாவில் தமிழகம் உள்ளிட்ட மாநிலங்களில் காலை 9 மணிக்கும் கர்நாடகாவில் மட்டும் 8.30 மணிக்கும் இப்படம் வெளியாகிறது. ஆனால், வெளிநாடுகளில் காலை 4 மணிக்கு முதல் காட்சி திரையிடப்பட்டது. எனவே, அப்படத்தை பார்த்த ரசிகர்கள் சிலர் படத்தை பற்றி டிவிட்டரில் பதிவிட்டு வருகிறார்கள்..

படம் முழுக்க முழுக்க அஜித் ரசிகர்களுக்காக மட்டுமே உருவாக்கப்பட்டிருக்கிறது. படத்தில் லாஜிக்கும் இல்லை. எமொஷனல் கனெக்ட்டும் இல்லை. படத்தின் முதல் பாதி முழுக்க முழுக்க ரசிகர்களுக்காக மட்டுமே. பல மாஸான காட்சிகள் இருக்கிறது. ஆனால், இரண்டாம் பாதியில் பெரிதாக ஒன்றுமில்லை. இதனால் படம் பிடிக்காமல் போகிறது. அஜித் ஃபேன்ஸ் மட்டுமே ரசிப்பார்கள்’ என சிலர் பதிவிட்டிருக்கிறார்கள். கதையை எதிர்பார்க்காமல் ஜாலியாக பார்க்கலாம் என்கிற மனநிலை உள்ளவர்களுக்கு மட்டுமே இப்படம் பிடிக்கும். இல்லையெனில் படம் ஏமாற்றும் என ஒருவர் பதிவிட்டுள்ளார். ஒருவரோ ரசிகர்களுக்கு Good.. நடுநிலையாளர்களுக்கு Bad.. ஹேட்டர்ஸ்க்கு Ugly என பதிவிட்டிருக்கிறார்.