இந்த வங்கியில் FD கணக்கு வைத்து இருக்கிறீர்களா? அப்போ உங்களுக்கு நல்ல லாபம் தான் !

0
129

தனியார் துறை வங்கிகளில் ஒன்றான ஹெச்டிஎஃப்சி ஆனது தனது வங்கியில் ரூ. 2 கோடிக்கும் குறைவான அளவில் பிக்ஸட் டெபாசிட் கணக்கு வைத்திருக்கும் வாடிக்கையாளர்களுக்கு மிகப்பெரிய நல்ல செய்தியினை வழங்கியுள்ளது. அதாவது வங்கி தற்போது ரூ. 2 கோடிக்கும் குறைவான பிக்ஸட் தொகைக்கு வட்டி விகிதத்தை உயர்த்தியுள்ளது. வங்கியின் அதிகாரப்பூர்வ இணையதளத்தின்படி, புதிய வட்டி விகிதங்கள் ஜனவரி 24, 2023 முதல் நடைமுறைக்கு வரும் என்பது தெரிய வந்துள்ளது.

சாதாரண மக்களின் பிக்ஸட் டெபாசிட் கணக்குக்கு 3.00% முதல் 7.00% வரையிலான வட்டி விகிதத்தையும், மூத்த குடிமக்களின் 7 நாட்கள் முதல் 10 ஆண்டுகள் வரையிலான பிக்ஸட் டெபாசிட் கணக்குக்கு 3.50% முதல் 7.75% வரையிலான வட்டி விகிதத்தையும் வழங்குகிறது. மக்கள் இந்த உயர்ந்த வட்டி விகிதத்தை பெற வேண்டுமென்றால் அவர்கள் 5 ஆண்டுகள் வரை டெபாசிட் செய்ய வேண்டும்.

7 முதல் 29 நாட்களில் முதிர்ச்சியடையும் டெபாசிட்டுகளுக்கு 3% வட்டி விகிதத்தையும், 30 முதல் 45 நாட்களில் முதிர்ச்சியடையும் டெபாசிட்டுகளுக்கு 3.50%, 46 முதல் 6 மாதங்களுக்குள் செய்யப்படும் டெபாசிட்டுகளுக்கு 4.50%, 6 மாதங்களுக்குள் செய்யப்படும் டெபாசிட்டுகளுக்கு 5.75% வட்டி விகிதத்தையும் ஹெச்டிஎஃப்சி வங்கி வழங்குகிறது. 9 மாதங்களில் முதிர்ச்சியடையும் டெபாசிட்டுகளுக்கு 6.00% வட்டி விகிதம், 1 நாள் முதல் 1 வருடம் வரையிலான டெபாசிட்டுகளுக்கு 6.60% வட்டி விகிதம் மற்றும் 15 மாதங்கள் முதல் 10 ஆண்டுகள் வரையிலான டெபாசிட்டுகளுக்கு 7.00% வட்டியும் வழங்கப்படுகிறது. மேலும் மூத்த குடிமக்களின் 7 நாட்கள் முதல் 5 ஆண்டுகள் வரையிலான டெபாசிட்களுக்கு 50 பிபிஎஸ் கூடுதல் வட்டி விகிதம் வழங்கப்படுகிறது.

author avatar
Savitha