ஆப்கனில் இந்து பூசாரி எடுத்த முடிவு! தாலிபன்கள் என்ன செய்யப் போகிறார்கள்?
ஆப்கானிஸ்தானில் தாலிபான்கள் உறுதியான கட்டுப்பாட்டில் இருப்பதால்,பொது மக்களிடையே மிகுந்த பதற்றமும் கவலையும் உள்ளது.முந்தைய தாலிபான் ஆட்சியில் மத மற்றும் இன சிறுபான்மையினர் மிகவும் பாதிக்கப்படக்கூடியவர்களாக இருந்தனர்.இந்த முறையும் அவர்கள் நடவடிக்கையில் வித்தியாசம் இருக்காது என்ற அச்சம் அவர்களிடையே உள்ளது.ஆப்கானிஸ்தானில் உள்ள பலர் தங்கள் பாதுகாப்பிற்காக பயந்து நாட்டை விட்டு விரைவாக வெளியேற முயன்றனர்.
காபூலின் கடைசி இந்து கோவிலின் பூசாரி பண்டிட் ராஜேஷ்குமார் நாட்டை விட்டு வெளியேற மறுத்துவிட்டார்.ஆப்கானிஸ்தான் தாலிபான்கள் தன்னைக் கொல்வதற்கு வந்தால் இறப்பதற்குக்கூட தயாராக இருப்பதாக ராஜேஷ்குமார் கூறுகிறார்.தாலிபான்கள் அவரைக் கொன்றால் அவருடைய முன்னோர்கள் எப்போதும் சேவை செய்த கோவிலுக்குச் செய்யும் சேவையாக அது இருக்கும் என்று அவர் கூறியுள்ளார்.
மேலும் ரத்தன் நாத் கோவிலின் பூசாரி ராஜேஷ்குமார்,நாட்டை விட்டு வெளியேற உதவுவதாக சில இந்துக்கள் கூறியதாகவும் ஆனால் ராஜேஷ்குமார் அதனை நிராகரித்ததாகவும் கூறப்படுகிறது.சில இந்துக்கள் காபூலை விட்டு வெளியேறும்படி என்னை வற்புறுத்தியுள்ளனர் மற்றும் எனது பயணத்திற்கும் தங்குவதற்கும் ஏற்பாடு செய்தனர்.ஆனால் எனது மூதாதையர்கள் இந்த கோயிலுக்கு நூற்றுக்கணக்கான ஆண்டுகள் சேவை செய்தனர்.நான் அதை கைவிட மாட்டேன்.தாலிபான்கள் என்னைக் கொன்றால் நான் அதை என் சேவையாகக் கருதுகிறேன் என்றும் அவர் கூறினார்.
தாலிபான்களால் மத சிறுபான்மையினர் எந்த தாக்குதல்களையும் எதிர்கொண்டதாக இதுவரை எந்தத் தகவலும் இல்லை என்றாலும்,டெல்லி சீக்கிய குருத்வாரா மேலாண்மை குழு தலைவர் மஞ்சிந்தர் சிங் சிர்சாவின் கருத்துப்படி சீக்கிய மற்றும் இந்து சமூகங்களைச் சேர்ந்த மக்கள் காபூலில் உள்ள கர்டே பர்வான் குருத்வாராவில் தஞ்சமடைந்துள்ளனர்.கஜினி மற்றும் ஜலாலாபாத்தில் வசிக்கும் 320 க்கும் மேற்பட்ட சிறுபான்மையினர் காபூலில் உள்ள கர்டே பர்வான் குருத்வாராவில் தஞ்சமடைந்துள்ளதாக சிர்சா கூறினார்.
தாலிபான் தலைவர்கள் அவர்களைச் சந்தித்து அவர்களின் பாதுகாப்பை உறுதி செய்தனர்.ஆப்கானிஸ்தானில் அரசியல் மற்றும் இராணுவ மாற்றங்கள் நடந்தாலும் இந்துக்களும் சீக்கியர்களும் பாதுகாப்பான வாழ்க்கையை வாழ முடியும் என்று நாங்கள் நம்புகிறோம் என்றும் சிர்சா கூறினார்.