தனிஒருவன் 2 திரைப்படம் குறித்த முக்கிய அறிவிப்பு… ஆகஸ்ட் 28ல் வெளியாகிறது என்று அறிவிப்பு…
ரசிகர்கள் அதிகம் எதிர்பார்க்கும் தனிஒருவன் 2 திரைப்படத்தின் முக்கிய அறிவிப்பு ஆகஸ்ட் மாதம் 28ம் தேதி அதிகாரப்பூர்வமாக வெளியாகவுள்ளதாக தகவல்கள் கிடைத்துள்ளது.
இயக்குநர் மோகன்ராஜா இயக்கத்தில் நடிகர் ஜெயம் ரவி நடிப்பில் உருவான தனிஒருவன் திரைப்படம் 2015ம் ஆண்டு ஆகஸ்ட் 28ம் தேதி வெளியானது. தனிஒருவன் திரைப்படத்தில் நயன்தாரா, அரவிந்த் சாமி, தம்பி ராமையா, ஹரிஸ் உத்தமன், கணேஷ் வெங்கட்ராம் மற்றும் பலர் நடித்துள்ளனர். ஹிப்ஹாப் தமிழா தனிஒருவன் திரைப்படத்திற்கு இசை அமைத்துள்ளார்.
இதனிடையே தனிஒருவன் 2 திரைப்படம் குறித்த எதிர்பார்ப்பு அதிகரிக்கத் தொடங்கியது. அது மட்டுமில்லாமல் நடிகர் ஜெயம் ரவி மற்றும் இயக்குநர் மோகன் ராஜா இருவரும் எங்கு சென்றாலும் ரசிகர்கள் அவர்களை சூழ்ந்து தனிஒருவன் 2 திரைப்படம் குறித்த அப்டேட் கேட்டு வரும்நிலையில் இயக்குநர் மோகன் ராஜா அவர்களும் அவ்வப்போது தகவல்களை வெளியிட்டு வந்தார்.
இதையடுத்து வரும் ஆகஸ்ட் மாதம் 28ம் தேதியுடன் தனி ஒருவன் திரைப்படம் வெளியாகி 8 வருடங்கள் ஆகப் போகின்றது. இதையடுத்து அந்நாளில் தனிஒருவன் 2 திரைப்படம் குறித்த முக்கிய அறிவிப்பை படக்குழு வெளியிடவுள்ளதாக தகவல்கள் வெளியாகியுள்ளது.