திமுகவுக்கு வைகோ ஜால்ரா கிழித்து தொங்கவிட்ட அதிமுக ஜெய்குமார். நிறுத்தி வைக்கப்பட்ட வேலூர் நாடாளுமன்றத் தேர்தல் மறு தேர்தல் அறிவிக்கப்பட்ட நிலையில் மீண்டும் அதிமுக பிஜேபி மற்றும் கூட்டணி கட்சிகளுடன் சேர்ந்து வேலூர் தேர்தலை சந்திக்கும் என கூறினார்.
நிருபர்களிடம் கூறியதாவது வேலூர் மக்களவை தேர்தலில், பாஜகவோடு கூட்டணி தொடரும் எனவும் அதிமுக அமோக வெற்றி பெறும் எனவும் அமைச்சர் ஜெயகுமார் கூறியுள்ளார்.
சென்னை ராயபுரத்தில், மீனவர் கூட்டுறவு சங்கத்தை திறந்து வைத்த பின் செய்தியாளர்களை சந்தித்தார். அப்போது, ஜெயலலிதாவின் கனவை நினைவாக்கும் வகையில், எய்ம்ஸ் மருத்துவமனை மதுரையில் அமைய இருப்பதாகவும் கூறினார். எய்ம்ஸ்
மருத்துவமனைக்கு பிரதமர் நரேந்திர மோடி அவர்கள் அடிக்கல் நாட்டினார். அது இந்த அம்மாவின் அரசால் கட்டி முடிக்கப்படும் என தெரிவித்தார்.
கடந்த நாடாளுமன்றத் தேர்தலில் திமுக 37 தொகுதிகளில் கூட்டணி கட்சிகளுடன் இணைந்து வெற்றி பெற்றது. அத்தேர்தலில் பொய்யான வாக்குறுதிகளை அளித்து திமுக வெற்றி பெற்றதாகவும், இனி அதுபோன்ற வெற்றி அக்கட்சிக்கு கிடைக்காது எனவும் ஜெயகுமார் விமர்சித்தார்.
வைகோ சொல்வது எல்லாம் உண்மையாகி விடாது. அவர் முந்தைய தேர்தலில் மக்கள் நல கூட்டணி என்று ஒரு கூட்டணியை உருவாக்கி திமுகவிற்கு எதிராக பிரச்சாரம் செய்தார். திமுக ஒரு கொலைகார கட்சி ஏமாற்று கட்சி என விமர்சித்தார். ஆனால் இன்று திமுகவுடன் கூட்டணி அமைத்து ஒரு தொகுதியில் போட்டியிட்டு வெற்றி பெற்று திமுகவுக்கு ஆதரவாக பிரச்சாரம் செய்கிறார். வைகோ மீது தான் அதிக மரியாதை வைத்துள்ளதாகவும், ஒரு எம்.பி. சீட் கொடுக்கப்பட்டதால் திமுகவுக்கு ஜால்ரா அடிப்பதாகவும் கூறினார்.
யார் எப்படி வேண்டுமானாலும் பேசலாம் கருத்து சுதந்திரம் இந்தியாவிலேயே தமிழகத்தில் தான் அதிகம் உள்ளது. முந்தைய திமுக ஆட்சியில் மேடை பேச்சுக்காக நடிகர் அஜித்குமார் விமர்சனத்துக்கு உள்ளானார் எனவும் தெரிவித்தார்.
இவ்வாறு அதிமுக ஜெய்குமார் திமுகவையும் மதிமுக பொதுச் செயலாளர் வைகோவையும் விமர்சனம் செய்தார். முன்னதாக முதல்வர் எடப்பாடி பழனிச்சாமி கோவை விமானநிலையத்தில் திமுகவை விமர்சனம் செய்தார் என்பது குறிப்பிடத்தக்கது.
மேலும் இது போன்ற தமிழ் செய்திகள்,மாவட்ட செய்திகள், மாநில செய்திகள், தேசிய செய்திகள், உலக செய்திகள், விளையாட்டு செய்திகள், அரசியல் செய்திகள், வணிக செய்திகள்,தொழில்நுட்ப செய்திகள்,பொழுதுபோக்கு செய்திகள்,சினிமா செய்திகள், ஆன்மீக செய்திகள், ஜோதிட செய்திகள் போன்ற நடுநிலையான செய்திகளை உடனுக்குடன் உண்மைத் தன்மையுடன் தெரிந்து கொள்ள நமது News4 Tamil இணையதளத்தையும் முகநூல் பக்கம் மற்றும் ட்விட்டர் பக்கங்களை பின் தொடருங்கள்.
