நடிகர் விஜயின் மகன் ஜேசன் சஞ்சய். விஜய் நடித்த வேட்டைக்காரன் படத்தில் ஒரு காட்சியில் வந்து நடனமாடினார். இதைப்பார்த்த ரசிகர்கள் பின்னாளில் ஜேசன் சஞ்சய் கண்டிப்பாக சினிமாவில் நடிப்பார் என்றே எதிர்பார்த்தார்கள். ஆனால், அவரோ இயக்குனராக மாறிவிட்டர். லைக்கா நிறுவனம் தயாரிக்கும் படத்தை சஞ்சய் இயக்குகிறார் என்கிற செய்தி ஒரு வருடத்திற்கு முன்பே வெளியானது. ஆனால், அதன்பின் எந்த அப்டேட்டும் இல்லை.
விஜயின் மகன் இயக்குனராகிறார் என்கிற செய்தி பலருக்கும் ஆச்சர்யத்தை கொடுத்தது. ஒருபக்கம் விஜய் இப்போது தனியாக வசித்து வருகிறார். அவரின் மனைவி மற்றும் குழந்தைகள் லண்டனில் வசித்து வருகிறார்கள். அதோடு, விஜய்க்கும் அவர்களுக்கும் இடையே சுமூகமான உறவு இல்லை என்றும் சொல்லப்படுகிறது.
ஆனால், இதுபற்றியெல்லாம் விஜய் விளகக்ம் கொடுப்பதில்லை. இப்போது ஜனநாயகனில் நடித்து வரும் அவர் அடுத்து தீவிர அரசியலில் ஈடுபடவிருக்கிறார். ஒருபக்கம் ஜேசன் சஞ்சய் இயக்கும் படத்தின் படப்பிடிப்பு துவங்கிவிட்டது என்கிறார்கள். அதோடு, இந்த படத்தில் கல்கி படத்தில் நடித்த ஃபரியா அப்துல்லா கதாநாயகியாக நடிக்கவுள்ளாராம். மேலும், இவர் ஜதி ரத்னலு, ராவனசுரா உள்ளிட்ட சில தெலுங்கு படங்களிலும் நடித்திருக்கிறார்.
ஜேசன் சஞ்சய் இயக்கும் படத்தில் சந்தீப் கிஷன் ஹீரோவாக நடித்து வருகிறார். மேலும், தம்பி ராமையா உள்ளிட்ட சிலரும் நடித்து வருகிறார்கள். இந்த படம் தமிழ், தெலுங்கு ஆகிய 2 மொழிகளிலும் வெளியாகவுள்ளது. இப்படத்தின் சென்னையில் ஒரு ஸ்டுடியோவில் கடந்த ஒரு வாரமாக நடைபெற்று வருவதாக சொல்லப்படுகிறது. இயக்குனராக ஜேசன் சஞ்சய் வெற்றி பெறுவாரா என்பதை பொறுத்திருந்தே பார்க்க வேண்டும்.