ராமர் கோவில் கட்ட அம்பானி ரூ.500 கோடி?
அயோத்தியால் இந்துக்கள் ராமர் கோவில் கட்டலாம் என சமீபத்தில் உச்சநீதிமன்றம் தீர்ப்பு அளித்த நிலையில் அங்கு ராமர் கோவில் கட்டுவதற்கான ஏற்பாடுகள் விறுவிறுப்பாக நடைபெற்று வருகிறது
இந்த நிலையில் உபி முதல்வர் யோகி ஆதித்யநாத் அவர்களை ரிலையன்ஸ் முகேஷ் அம்பானி சந்தித்ததாகவும், இந்த சந்திப்பின்போது அயோத்தியில் ராமர் கோவில் கட்ட ரூ.500 கோடி நிதியுதவி வழங்குவதாக தெரிவித்ததாகவும் கூறப்படுகிறது
ஆனால் இந்த சந்திப்பை இரு தரப்பினர்களும் உறுதி செய்யவில்லை. மேலும் சந்திப்பு நடந்ததாக கூறப்பட்டு பகிரப்படும் புகைப்படமும் கடந்த இரண்டு ஆண்டுகளுக்கு முன்னர் எடுத்தது என்றும் எனவே இந்த செய்தி சமூகவலைத்தள பயனாளிகளால் பரப்பப்படும் வதந்தி என்றும் தற்போது செய்திகள் வெளியாகியுள்ளது.
சமூக வலைத்தளங்களில் பரப்பப்படும் போலி செய்திகளால் பல்வேறு விளைவுகள் ஏற்படுவதால் இதுபோன்று போலி செய்திகளை பரப்புபவர்கள் மீது கடும் நடவடிக்கை எடுக்க வேண்டும் என்ற கோரிக்கை வலுத்து வருகிறது
