முகேஷ் அம்பானியின் சொத்து மதிப்பு மேலும் உயர்வு !!!
ஆசியாவின் மிகப்பெரிய பணக்காரரான முகேஷ் அம்பானியின் சொத்து மதிப்பு நடப்பாண்டில் ஆயிரத்து 700 கோடி டாலர் அதிகரித்து இருக்கிறது. ரிலையன்ஸ் இண்டஸ்ட்ரீஸ் நிறுவனத்தின் தலைவர் அம்பானி இந்தியாவின் நம்பர் ஒன் கோடீஸ்வரராக உள்ளார்.
இம்மாத தொடக்கத்தில் போர்ப்ஸ் பத்திரிக்கையின் உலக கோடீஸ்வரர் பட்டியல் வெளியிடப்பட்டது. சென்ற முறை பதின் மூன்றாவது இடத்தில் இருந்த அவர் இம்முறை 9வது இடத்தைப் பிடித்துள்ளார். இந்த நிலையில் நடப்பாண்டில் டிசம்பர் 23-ஆம் தேதி நிலவரப்படி முகேஷ் அம்பானியின் சொத்து மதிப்பு 1,700 கோடி டாலர் சுமார் 1.20 லட்சம் கோடி உயர்ந்திருப்பது தெரிய வந்துள்ளது.
இதனையடுத்து அவரது மொத்த சொத்து மதிப்பு 6100 கோடி டாலரை எட்டியுள்ளது RIL பங்கின் விலை 45 உயர்ந்திருப்பதை முகேஷ் அம்பானியின் சொத்து மதிப்பு உயர இதற்கு முக்கிய காரணமாக கருதப்படுகிறது. பங்கு சந்தை தொடர் ஏற்றம் கூட அவர் சொத்து மதிப்பு உயர முக்கிய காரணமாக கருதப்படுகிறது.