சூப்பர் ஸ்டார் ரஜினிகாந்த் நடித்து வரும் ’தலைவர் 168’ திரைப்படத்தின் முதல்கட்ட படப்பிடிப்பு ராமோஜிராவ் பிலிம் சிட்டியில் நடைபெற்ற நிலையில் இரண்டாம் கட்ட படப்பிடிப்பு விரைவில் சென்னையில் தொடங்க உள்ளது. இந்த படப்ப்பிடிப்பிற்கான பணிகள் நடைபெற்று வருவதாக கூறப்படுகிறது
இந்த நிலையில் இந்த படத்தில் திடீரென நயன்தாரா இணைந்து உள்ளதாக சற்று முன்னர் சன் பிக்சர்ஸ் நிறுவனம் தனது ட்விட்டர் பக்கத்தில் அறிவித்து உள்ளது. ஏற்கனவே இந்த படத்தில் மீனா, குஷ்பு, கீர்த்தி சுரேஷ் ஆகிய மூன்று நாயகிகள் நடித்து வரும் நிலையில் திடீரென நயன்தாரா இணைந்துள்ளது பெரும் ஆச்சரியத்தை அளித்துள்ளது
நயன்தாரா சிறப்பு தோற்றத்தில் நடிக்கிறாரா? அல்லது ரஜினிக்கு ஜோடியாக நடிக்கிறாரா? என்ற கேள்வி எழுந்து உள்ளது .இருப்பினும் இந்த கேள்விக்கு படம் வெளிவந்த பின்னர் தான் விடை கிடைக்கும் என்பது குறிப்பிடத்தக்கது