’சும்மா கிழி’ பாட்டை வறுத்தெடுக்கும் நெட்டிசன்கள்: ரஜினி ரசிகர்கள் சோகம்
சூப்பர் ஸ்டார் ரஜினிகாந்த் நடிப்பில் ஏஆர் முருகதாஸ் இயக்கத்தில் அனிருத் இசையில் உருவாகியிருக்கும் ’தர்பார்’ திரைப்படம் வரும் பொங்கல் தினத்தில் வெளியாகவிருக்கும் நிலையில் இந்த படத்தின் ’சும்மா கிழி’என்ற பாடல் நேற்று வெளியானது இந்த பாடலை ரஜினி ரசிகர்கள் உற்சாகமாக வரவேற்று இணையதளங்களில் வைரலாக்கி வந்த நிலையில் இந்த பாடல் வெளியான ஒரு சில மணி நேரங்களில் இந்த பாடல் இரண்டு பாடல்களின் என நெட்டிசன்கள் ’சும்மா கிழி கிழி’ என்று கிழித்து வறுத்தெடுத்து வருகின்றனர்
முதலாவதாக பிரசாந்த் நடித்த ’வைகாசி பிறந்தாச்சு’ என்ற படத்தில் இடம்பெற்ற தண்ணி குடம் எடுத்து தங்கம் நீ நடந்து வந்தா தவிக்குது மனசு வலிக்குது’ என்ற பாடலின் காப்பிதான் ’சும்மா கிழி’ பாடல் என்று ஒரு சில நெட்டிசன்கள் பதிவு செய்து வருகின்றனர்.
இன்னொரு பிரிவு நெட்டிசன்களோ இது ஒரு சபரிமலை ஐயப்பன் பாட்டின் அப்பட்டமான காப்பி என்று இரண்டு பாடல்களையும் பதிவு செய்து நிரூபித்து வருகின்றனர். நெட்டிசன்களின் இந்த பதிவு காரணமாக ரஜினி ரசிகர்கள் சோகம் ஆகியுள்ளனர்
கடந்த சில ஆண்டுகளாகவே கோலிவுட் திரையுலகில் காப்பி என்பது சர்வ சாதாரணம் ஆகி வருகிறது. வெளிநாட்டு படங்களில் இருந்து கதை மட்டுமின்றி காட்சிகள், வசனங்கள், பின்னணி இசை, போஸ்டர்கள் என பலதையும் காப்பி அடித்து வருவதாக குற்றஞ்சாட்டப்பட்டு வரும் நிலையில் தற்போது தமிழ்ப்படங்களில் இருண்டே காப்பியடிக்க தொடங்கிவிட்டதாக நெட்டின்கள் கலாய்த்து வருகின்றனர்.
