News4 TamilOnline Tamil News

தமிழ்நாட்டில் இப்போ திமுக ஆட்சிதான் நடக்குதா என்பது சந்தேகமாக உள்ளது. காரணம் கடந்த நான்கு வருடங்களாக திமுக ஆட்சியில் எத்தனையோ அவலங்களும், அட்டூழியங்களும் நடந்தபோதும் எந்த ஒரு ஊடகத்திலும், தொலைக்காட்சியிலும் அந்த விஷத்தை பற்றி பெரிதாக எந்த செய்தியும் வெளிவரவில்லை. ஆனால் இன்று சிவகங்கை மாவட்டம் திருபுவனம் அஜித்குமார் சம்பவத்தில் அரசு மற்றும் காவல்துறை செய்த எல்லா தவறுகளையும் ஊடகங்கள் மக்களுக்கு வெளிச்சம் போட்டு காட்டிவிட்டன.

இந்த அஜித்குமார் வழக்கில் சம்மந்தப்பட்ட 5 காவல் துறை அதிகாரிகள் கைது செய்யப்பட்டு அவர்களை சிபிஐ விசாரித்து வருகிறது. பாதிக்கப்பட்ட அஜித்குமார் குடும்பத்தை சேர்ந்த அவரின் சகோதரருக்கு அரசு வேலை கொடுப்பதாக முதல்வர் வாக்குறுதி கொடுத்துள்ளார். 5 லட்சம் அரசு நிவாரண தொகை வழங்கியுள்ளது.

இந்நிலையில் சிவகங்கை திருபுவனம் காவல் நிலையத்தில் அஜித்குமாரை விசாரணைக்கு அழைத்து சென்று அவரை அடித்து துன்புறுத்தியதை வினோத் என்பவர் நேரில் பார்த்துள்ளார். அவர் நேரில் பார்த்ததை தற்போது பத்திரிக்கையாளர்களிடம் பகிர்ந்துள்ளார்.

அஜித்குமார் சுய நினைவில் இல்லாத போது கூட போலீசார் அவரை தொடர்ந்து அடித்தனர். போலீஸ் அடித்த அடியில் அவருக்கு வலிப்பு வந்தது. அஜித்குமாரின் சிறுநீரில் இருந்து ரத்தம் வந்தது. அப்போது கூட போலீசார் அவரை அடிச்சுக்கிட்டே தான் இருந்தாங்க. வலிப்பு வந்த பிறகு தான் அவரை மருத்துவமனைக்கு அழைத்து சென்றார்கள். படத்தில் கூட இந்த மாதிரி போலீஸ் அடித்ததை நான் பார்த்ததில்லை என்று பேட்டி கொடுள்ளார் வினோத்.

திருப்புவனம் கோவிலில் காவலாளியாக பணியாற்றிய அஜித் குமார், காவல்துறையினர் விசாரணையின் போது தாக்கப்பட்டு உயிரிழந்த சம்பவம், தமிழகத்தை உலுக்கியது. இந்த நிலையில், அஜித் குமாரின் குடும்பத்திற்கு அரசு நிவாரண நடவடிக்கைகள் அறிவிக்கப்பட்டுள்ளன.

அமைச்சர் நேரில் ஆறுதல் – அரசு பணி வழங்கஅறிவிப்பு

அஜித் குமாரின் குடும்பத்தினரை நேரில் சந்தித்த தமிழக அமைச்சர் பெரிய கருப்பன், அவரது சகோதரருக்கு அரசு பணியிட ஒப்புதல் வழங்கும் ஆணையை நேரில் வழங்கினார். இது மட்டுமல்லாது, திமுக சார்பில் ரூ.5 லட்சம் இழப்பீடு வழங்கப்பட்டது.

திருப்புவனத்தில் லாக்அப் மரணம் – நாடு முழுவதும் அதிர்ச்சி

அஜித் குமார் மீது திருட்டு வழக்கில் சந்தேகத்தின் பேரில் விசாரணை நடத்தப்பட்ட போது, காவல் நிலையத்தில் தாக்கப்பட்டதாக கூறப்படுகிறது. இதன் விளைவாக அவர் உயிரிழந்தார். சாத்தான்குளம் சம்பவத்தை நினைவூட்டும் இந்த நிகழ்வு, தமிழக அரசை கடும் சிக்கலுக்கு உள்ளாக்கியது. கடந்த அதிமுக ஆட்சியின் போது நடந்த லாக்கப் மரணத்திற்கு ஸ்டாலின் பேசியதை எடுத்து காட்டி பொதுமக்கள் முதல் அரசியல் தலைவர்கள் என அனைவரும் விமர்சிக்க தொடங்கினர்.

போலீசாருக்கு நடவடிக்கை

இது தொடர்பாக சிவகங்கை போலீஸில் பணியாற்றிய 5 போலீசார் – கண்ணன், ஆனந்த், ராஜா, சங்கர மணிகண்டன், பிரபு ஆகியோர் கைது செய்யப்பட்டனர். மேலும் 6 தனிப்படை போலீசார் பணியிடை நீக்கம் செய்யப்பட்டுள்ளனர். இந்த வழக்கு தற்போது சிபிசிஐடிக்கு மாற்றப்பட்டு விசாரணை நடைபெற்று வருகிறது.

முதல்வரின் ஆலோசனை கூட்டம்

இந்தச் சூழலில், முதல்வர் மு.க. ஸ்டாலின் தலைமையில், சட்டம் மற்றும் ஒழுங்கு குறித்த அதிகாரிகள் ஆலோசனை கூட்டம் நடைபெற்றது. கூட்டத்தில் பேசும் போது அவர், “விசாரணையின் போது ஒருவர் உயிரிழந்தால் சம்பந்தப்பட்ட காவலர்களுக்கு கடுமையான நடவடிக்கை எடுக்கப்படும்” என தெரிவித்தார்.

காவல் துறை பணிப்பாய்வு

முதல்வர் ஸ்டாலின் மேலும் கூறுகையில்:

• காவல் நிலையங்களில் அரசு மீது நம்பிக்கையுடன் புகார் தரும் பொதுமக்களை கண்ணியத்துடன் நடத்த வேண்டும்.

• கள்ளச்சாராயம், கஞ்சா போன்ற சட்டவிரோத செயல்களில் கடுமையான நடவடிக்கை மேற்கொள்ள வேண்டும்.

• அசம்பாவிதங்கள் நிகழ்ந்தால் உயர் போலீஸ் அதிகாரிகள் உடனடியாக விளக்கம் அளிக்க வேண்டும் என்றும் உத்தரவிட்டார்.

தமிழக அரசு மக்களின் நம்பிக்கைக்கு உரிய பதில்

அஜித் குமாரின் மரணத்திற்கு பிறகு அரசு எடுத்த இந்த நடவடிக்கைகள், மக்களின் நம்பிக்கையை உறுதிப்படுத்தும் முயற்சியாக பார்க்கப்படுகிறது. அரசு வேலை, இழப்பீடு, அதிகாரிகள் நடவடிக்கை என பல பரிமாணங்களில் நடவடிக்கை எடுக்கப்பட்டுள்ளன.

இதே போல் சட்ட ஒழுங்கு பாதுகாப்பும், மக்கள் உரிமைகளும் பாதுகாக்கப்படும் என்பதை அரசு உறுதிசெய்கிறது.