கிராம சபை கூட்டங்களுக்கான வழிகாட்டுதல் நெறிமுறைகளை உள்ளாட்சித்துறை வெளியிட்டுள்ளது.
மகாத்மா காந்தி பிறந்தநாளை முன்னிட்டு தமிழகத்தில் நாளை நடைபெற உள்ள கிராம சபை கூட்டங்களுக்கான வழிகாட்டுதல் நெறிமுறைகளை, உள்ளாட்சித்துறை வெளியிட்டுள்ளது.
வழிகாட்டு நெறிமுறைகள்:
காலை 11 மணியளவில், கிராம சபை கூட்டங்களை நடத்த வேண்டும்.
கிராம சபை கூட்டம், பாதுகாப்பான பொது வெளியிலோ அல்லது நல்ல காற்றோட்டமான கட்டிடத்திற்குள்ளோ நடத்த வேண்டும்.
கிராம சபை கூட்டத்தில் பங்கேற்பவர்கள் அனைவரும் கண்டிப்பாக முகக்கவசம் அணிவதுடன், 6 அடி இடைவெளி விட்டு அமர வேண்டும்.
கிராம சபைக் கூட்டத்தில் பங்கேற்பவர்கள் அனைவருக்கும் உடல் வெப்ப பரிசோதனை கட்டாயமாக செய்ய வேண்டும்.
மேலே கூறப்பட்ட வழிகாட்டு நெறிமுறைகளை பின்பற்றி கிராம சபை கூட்டம் நடைபெற வேண்டும் என்று உள்ளாட்சித் துறை அறிவுறுத்தியுள்ளது.