தமிழ் சினிமாவில் மட்டுமல்லாமல் இந்திய சினிமாவிலும் உச்ச நடிகராக வலம் வந்தவர் நடிகர் விஜய் தற்போது நடிகர் விஜய் லிருந்து தலைவர் விஜய் ஆக மாறியுள்ளார். அதாவது தமிழக வெற்றிக் கழகம் என்ற கட்சியினை தொடங்கி சமீபத்தில் இதற்கான கொடி அறிமுகப்படுத்தப்பட்டது.
ரசிகர் மன்றமாக இருந்து ரசிகர் மன்ற கொடி பறக்கும் அனைத்து இடங்களிலும் இன்று கட்சி கொடி பறந்து கொண்டிருக்கிறது. தமிழக வெற்றிக் கழக முதல் மாநாடு நாளை விழுப்புரம் மாவட்டத்தில் உள்ள விக்கிரவாண்டி யின் வி சாலையில் நடைபெறவுள்ளது.
இதற்கான ஏற்பாடுகள் தீவிரமாக நடைபெற்று வருகிறது. இந்த நிலையில் நாம் தமிழர் கட்சி ஒருங்கிணைப்பாளர் சீமான் அவர்கள் தவெக தலைவர் விஜய்க்கு வாழ்த்து தெரிவித்து x தளத்தில் பதிவிட்டுள்ளார். அவர் பதிவில்
அரசியல் மாற்றமெனும் பெருங்கனவோடு ஆருயிர் இளவல் விஜய் அவர்களின் தலைமையில் தொடங்கப்பட்ட தமிழக வெற்றிக் கழகத்தின் முதல் அரசியல் மாநாடு சிறக்க என் நெஞ்சம் நிறைந்த வாழ்த்துகள் தமிழக வெற்றிக் கழகத்தின் கொள்கை பேரறிவிப்பு தமிழ்நாட்டு மண்ணுக்கும், மக்களுக்கும் நலன் பயக்கட்டும் தம்பி விஜய் அவர்களின் நம்பிக்கையும், நல்நோக்கமும் ஈடேறட்டும் என்று குறிப்பிட்டு பதிவிட்டுள்ளார்.