இந்திய அணியின் முன்னாள் ஓப்பனர் ஷிகர் தவான், கடந்த 2006 ஆம் ஆண்டு இந்தியா A  அணி ஆஸ்திரேலியா சென்ற சுற்றுப்பயணத்தில் நடந்த ஒரு காதல் சம்பவத்தை தனது சுயசரிதையில் பகிர்ந்திருக்கிறார்.

அந்த பயணத்தின்போது, தவான் ஒரு அழகிய பெண்ணிடம் காதலில் விழுந்தார். பின்னர், அவர் இருந்த ஹோட்டல் அறையில் ரோஹித் சர்மாவுடன் தங்கியிருந்த போது, அந்த காதலியை ரகசியமாக அறைக்குள் அழைத்து வந்ததாக அவர் பழைய நினைவுகளை பகிர்ந்துள்ளார்.

இந்தியாவின் முன்னாள் கிரிக்கெட் வீரர் ஷிகர் தவான் ஒரு நேர்மையான மற்றும் தைரியமான நபராக பல்வேறு நிகழ்வுகளில் வெளிப்படுத்தியுள்ளார். அவர் தனது வாழ்க்கையை முழுமையாக அனுபவிப்பவராகவும், மைதானத்தில் இருந்தாலும் வெளியிலும் எப்போதும் கவர்ச்சிகரமான தன்மையை பேணுபவராகவும் இருக்கிறார். இந்நிலையில் 2006-ஆம் ஆண்டு நடந்த தனது தனிப்பட்ட வாழ்க்கையைப் பற்றிய ஒரு அதிர்ச்சி தகவலை அவர் சமீபத்தில் தன்னுடைய சுயசரிதையில் வெளிப்படுத்தியுள்ளார்.

ஆஸ்திரேலியாவில் நடைபெற்ற இந்தியா A சுற்றுப்பயணத்தை நினைவுகூரும் அவர், அந்தப் பயணத்தின் போது ஒரு பெண்ணுடன் காதலாகி, பின்னர் ரோஹித் சர்மாவுடன் பகிர்ந்த ஹோட்டல் அறைக்குள் அந்த காதலியை ரகசியமாக அழைத்துச் சென்றதாக கூறியுள்ளார். இதுகுறித்த ரோஹித்தின் ரியாக்சனையும் தவான் பகிர்ந்துள்ளார். அவர்களின் காதல் பற்றிய தகவலானது அணியில் வைரலாக  பரவியது என்றும் அவர் தெரிவித்தார்.

“அவள் மிகவும் அழகாக இருந்தாள். திடீரென எனக்கு மீண்டும் காதலாகிவிட்டது! ‘அவள்தான் என் வாழ்க்கைத் துணை, நிச்சயமாக திருமணம் செய்துகொள்வேன்’ என்ற எண்ணமே என் உள்ளத்தில் இருந்தது,” என அவர் தனது சுயசரிதையில் எழுதியுள்ளார்.

“ஒரு பயிற்சி ஆட்டத்தில் நான் அரைசதம் அடித்து தொடங்கினேன், பயணம் நன்றாக நடந்து கொண்டிருந்தது. ஒவ்வொரு ஆட்டத்திற்குப் பிறகும், எலெனை (அவளது உண்மையான பெயர் அல்ல) சந்திக்கப் போவேன். பின்னர், நான் ரோஹித் சர்மாவுடன் பகிர்ந்த ஹோட்டல் அறைக்குள் அவளை ரகசியமாக அழைத்துச் செல்லத் தொடங்கினேன். சில நேரங்களில் ரோஹித் ஹிந்தியில் கமெண்ட் பண்றார்: ‘தூங்க விடறயா?’”

“ஒரு நாள், நான் எலெனுடன் இரவு உணவுக்கு செல்லும் போது, அவளின் வருகை அணி முழுவதும் தீபவானைப் போல பரவியது. ஒரு மூத்த தேசிய தேர்வாளர், நாங்கள் லாபியில் கைகளை பிடித்துக் கொண்டு நடப்பதை பார்த்தார்.”

“அவளது கையை விட்டுவிட வேண்டும் என்ற எண்ணமே எனக்கு தோன்றவில்லை. ஏனென்றால் நாங்கள் எந்த குற்றமும் செய்யவில்லை என்று நம்பினேன். அந்த ஆஸ்திரேலியா பயணத்தில் நான் நன்றாக ஆடியிருந்தால், இந்தியா மூத்த அணிக்குள் சேர வாய்ப்பு இருந்தது. ஆனால் என் ஆட்டத்தின் தரம் குறைந்துகொண்டே வந்தது.”

🏏 ஷிகர் தவானின் கிரிக்கெட் சாதனைகள்:

• ODI: 167 போட்டிகள் – 6793 ரன்கள் – சராசரி: 44.11 – 17 சதங்கள், 39 அரைசதங்கள்

• Test: 34 போட்டிகள் – 2315 ரன்கள் – சராசரி: 40.61 – 7 சதங்கள், 5 அரைசதங்கள்

• T20I: 68 போட்டிகள்