சீமராஜா, Mr local சிவகார்த்திகேயன் நடித்த படங்கள் முன்னதாக வெளி வந்து சரியாக போகாததால் சிவகார்த்திகேயன் பெரும் வருத்தத்தில் உள்ளார். பிறகு மித்ரன் இயக்கத்தில் சிவகார்த்திகேயன் நடித்து வரும் ‘ஹீரோ’ திரைப்படம் டிசம்பர் 20-ம் தேதி வெளியாகும் என படக்குழு அறிவித்துள்ளது.
ராஜேஷ் இயக்கத்தில் ‘Mr.லோக்கல்’ படத்துக்குப் பிறகு சிவகார்த்திகேயன் நடிப்பில் தொடங்கப்பட்ட படம் ‘ஹீரோ’. ‘இரும்புத்திரை’ மித்ரன் இயக்கி வரும் இந்தப் படத்தில் அர்ஜுன், அபிய் தியோல், கல்யாணி ப்ரியதர்ஷன் உள்ளிட்ட பலர் நடித்து வருகிறார்கள். இதன் படப்பிடிப்பு சென்னையைச் சுற்றி நடைபெற்று வந்தது. ஆனால் இதன் தொடர்ச்சியாக தொடங்கப்பட்ட பாண்டிராஜ் படத்திலும் கவனம் செலுத்தி வந்தார் சிவகார்த்திகேயன்.
இதனால் ஹீரோ மற்றும் பாண்டி ராஜ் படங்களில் எந்தப் படம் முதலில் வெளியாகும் என்ற குழப்பம் உண்டானது. இதனைத் தீர்க்கும் பொருட்டு டிசம்பர் 20-ம் தேதி படம் வெளியீடு என்று ‘ஹீரோ’ படக்குழு அறிவித்துள்ளது. இதோடு தங்களது படத்தின் லோகோ வடிவமைப்பையும் வெளியிட்டுள்ளனர்.
‘ஹீரோ’ படக்குழு அறிவிப்பைத் தொடர்ந்து, சன் பிக்சர்ஸ் தயாரிப்பில் பாண்டிராஜ் இயக்கத்தில் சிவகார்த்திகேயன் கூட்டணியில் உருவாகி வரும் படம் சரஸ்வதி பூஜை விடுமுறை நாளில் வெளியாகும் எனத் தெரிகிறது. இந்தப் படத்தில் பாரதிராஜா, ஆர்.கே.சுரேஷ், சூரி, ஐஸ்வர்யா ராஜேஷ் தங்கையாக நடிக்க தொடங்கி ஒரு பெரிய பட்டாளமே நடித்து வருகிறது.
மித்ரன் இயக்கத்தில் ‘ஹீரோ’ மற்றும் இயக்குநர் பாண்டிராஜ் படத்தை முடித்துக் கொடுத்துவிட்டு, விக்னேஷ் சிவன் இயக்கத்தில் உருவாகும் புதிய படத்தில் கவனம் செலுத்தவுள்ளார் சிவகார்த்திகேயன்.
இந்த வருடம் இறுதியில் வரும் ஹீரோ படம் வெற்றியடைய வாழ்த்துகள்.
மேலும் இது போன்ற தமிழ் செய்திகள்,மாவட்ட செய்திகள், மாநில செய்திகள், தேசிய செய்திகள், உலக செய்திகள், விளையாட்டு செய்திகள், அரசியல் செய்திகள், வணிக செய்திகள்,தொழில்நுட்ப செய்திகள்,பொழுதுபோக்கு செய்திகள்,சினிமா செய்திகள், ஆன்மீக செய்திகள், ஜோதிட செய்திகள் போன்ற நடுநிலையான செய்திகளை உடனுக்குடன் உண்மைத் தன்மையுடன் தெரிந்து கொள்ள நமது News4 Tamil இணையதளத்தையும் முகநூல் பக்கம் மற்றும் ட்விட்டர் பக்கங்களை பின் தொடருங்கள்.