அனிருத்தும் இல்லை… இமானும் இல்லை இவர்தான் இசையமைப்பாளர்… சூர்யா- சிவா படத்தின் லேட்டஸ்ட் அப்டேட்
சூர்யா மற்றும் சிறுத்தை சிவா கூட்டணியில் உருவாகும் படம் இன்னும் சில தினங்களில் தொடங்க உள்ளது.
சிறுத்தை சிவா தமிழ் சினிமாவின் தற்போதைய கமர்ஷியல் இயக்குனர்களில் ஒருவர். தன் படங்களில் இதுவரை அஜித், கார்த்தி, ரஜினி போன்ற ஸ்டார் நடிகர்களை இயக்கியுள்ளார். அதுபோல அனிருத், இமான், தேவி ஸ்ரீ பிரசாத் ஆகிய முன்னணி இசையமைப்பாளர்களையும் பயன்படுத்தியுள்ளார்.
அண்ணாத்த படத்துக்கு பிறகு அடுத்து சூர்யா நடிப்பில் உருவாகும் புதிய படத்தை இயக்குகிறார்.இந்த படத்துக்கு முதலில் இமான் இசையமைப்பாளர் என சொல்லப்பட்டது. பின்னர் அனிருத் என சொல்லப்பட்டது. ஆனால் இப்போது இருவரும் இல்லை தேவி ஸ்ரீ பிரசாத்தான் இசையமைக்க போகிறார் என சொலல்ப்படுகிறது. இவர் ஏற்கனவே சிவாவுடன் வீரம் படத்தில் இணைந்து பணியாற்றினார் என்பது குறிப்பிடத்தக்கது. மேலும் படத்தில் கதாநாயகியாக பாலிவுட் நடிகை திஷா பட்டானி நடிக்க உள்ளாராம். இவர் தோனி படத்தில் கதாநாயகியாக நடித்தவர்.
சிவா, பல ஆண்டுகளுக்கு முன்பே சூர்யாவை இயக்க ஸ்டுடியோ கிரீன் நிறுவனத்துக்காக ஒப்பந்தம் ஆன படத்தைத் தொடங்க உள்ளார். சில மாதங்களாக இந்த படத்தின் திரைக்கதைப் பணிகள் நடைபெற்று வந்த நிலையில் இந்த மாதம் படப்பிடிப்பு தொடங்க உள்ளது. இந்த படத்தின் பூஜை சென்னையில் இந்த படத்தின் பூஜை வரும் ஆகஸ்ட் 21 ஆம் தேதி நடக்க உள்ளதாக தகவல் வெளியாகியுள்ளது. வரலாற்றுக் கதைக்களம் கொண்ட இந்த படம் பிரம்மாண்டமாக படமாக்கப்பட உள்ளது.
