கடந்த சில வருடங்களாக திரை உலகில் சொல்லிக்கொள்ளும் அளவுக்கு வெற்றி கொடுக்க முடியாமல் தவித்து கொண்டு வருகிறார் சூர்யா கடைசியாக வந்த காப்பான் படம் K.V.ஆனந்த் இயக்கத்தில் நடித்தார் இந்த படம் சுமாரான வெற்றிதான் பெற்றது.

காப்பான் படத்திற்கு பிறகு சூர்யா தற்போது உருவாகி இருக்கும் படம் ‘சூரரைப் போற்று’. இப்படத்தை இறுதிச்சுற்று புகழ் இயக்குனர் சுதா கொங்கரா இயக்கியுள்ளார். இதில் நாயகியாக அபர்ணா பாலமுரளி நடித்துள்ளார். மேலும், மோகன் பாபு, ஜாக்கி ஷெராப், கருணாஸ் உள்ளிட்ட பலர் முக்கியக் கதாபாத்திரங்களில் நடித்துள்ளார்.

பிரபல ஏர் டெக்கான் நிறுவனர் ஜி.ஆர்.கோபிநாத்தின் வாழ்க்கையில் நிகழ்ந்த சில சுவாரஸ்யமான நிகழ்வுகளை மையப்படுத்தி கதை உருவாக்கப்பட்டுள்ளது. இந்தப் படத்தை சூர்யாவின் சொந்த தயாரிப்பு நிறுவனமான 2டி என்டர்டெய்ன்மெண்ட் நிறுவனம் தயாரித்துள்ளது. விறுவிறுப்பாக நடைபெற்று வந்த இப்படத்தின் படப்பிடிப்பு சமீபத்தில் நிறைவடைந்தது. இதையடுத்து பின்னணி வேலைகள் நடைபெற்று வருகின்றது.

இப்படத்தின் பர்ஸ்ட் லுக் போஸ்டர் வெளியாகி நல்ல வரவேற்பை பெற்ற நிலையில், புத்தாண்டு தினமான இன்று இப்படத்தின் செகண்ட் லுக் போஸ்டர் குறித்த அப்டேட்டை படக்குழு வெளியிட்டுள்ளது.

அதன்படி இப்படத்தின் செகண்ட் லுக் போஸ்டர் இன்று மாலை 5 மணிக்கு வெளியிடப்பட உள்ளது.நேற்று விஜய் 64 தலைப்பு வெளிவந்த நிலையில் இன்று சூர்யாவின் செகண்ட் லுக் வருவது சூர்யா ரசிகர்களிடையே பெரும் மகிழ்ச்சியில் ஆழ்த்தியுள்ளது.