எனக்கு நீங்களே மாப்பிள்ளை பாருங்கள்: நிருபரிடம் காமெடி செய்த தமன்னா
தமிழ் சினிமா மட்டுமின்றி தென்னிந்திய திரையுலகில் முன்னணி நடிகையாக வலம் வரும் நடிகை தமன்னா நடித்த ’ஆக்சன்’ திரைப்படம் சமீபத்தில் வெளியாகியது. இந்த படம் ரசிகர்களை திருப்திப்படுத்தவில்லை என்றாலும் தமன்னாவின் நடிப்புக்கு விமர்சகர்கள் பாராட்டு தெரிவித்து வருகின்றனர். தமன்னா தற்போது இரண்டு தெலுங்கு படங்களிலும் ஒரு இந்தி படத்திலும் பசியாக நடித்துக் கொண்டிருக்கிறார் என்பது குறிப்பிடத்தக்கது
இந்த நிலையில் கோவையில் திருச்சியில் நகை தனியார் நகைக்கடை ஒன்றின் திறப்புவிழாவில் தமன்னா கலந்து கொண்டார். இந்த விழாவின்போது செய்தியாளர்கள் கேட்ட கேள்விக்கு அவர் நகைச்சுவையுடனும் சீரியஸாகவும் பதிலளித்தார். ஒரு செய்தியாளர் தமன்னாவின் திருமணம் குறித்து கேள்வி கேட்டபோது ’எனக்கு நல்ல மாப்பிள்ளையை நீங்களே பாருங்கள், நீங்கள் பார்க்கும் மாப்பிள்ளையை நான் திருமணம் செய்து கொள்கிறேன் என்று நகைச்சுவையுடன் கூற, அந்த செய்தியாளர் வெட்கத்தில் சிரித்தார்
மேலும் தனக்கு நம்பர் ஒன் இடத்தில் நம்பிக்கை இல்லை என்றும் வலுவான கேரக்டர்களில் நடிக்கவும், நீண்ட நாள் நிலைத்து நிற்கும் கேரக்டர்களில் மட்டுமே அதிக கவனம் செலுத்துவதாகவும் அவர் கூறினார்
மேலும் தனக்கு அவ்வப்போது மன அழுத்தம் வரும் போதெல்லாம் சமூக வலைதளங்களில் வரும் மீம்ஸ்களை பார்த்து சிரித்து அதன் மூலம் தனது மன அழுத்தத்தை சரி செய்துவிடுவதாகவும், மன அழுத்தத்திற்கு வேறு எதுவும் சிகிச்சை தேவையில்லை என்றும் அவர் இன்னொரு கேள்விக்கு பதில் தெரிவித்தார்
