குடியுரிமைச் திருத்தச் சட்டத்திற்கு எதிரான தீர்மானம்! தமிழக சட்டப்பேரவையில் நிறைவேற்றப்பட்டது!
தமிழக சட்டசபையில் இன்று குடியுரிமை திருத்தச் சட்டத்திற்கு எதிராக தமிழக அரசு தீர்மானம் நிறைவேற்றியது.இந்த தீர்மானம் முதலமைச்சர் மு.க.ஸ்டாலினால் நிறைவேற்றப்பட்டது.இந்த சட்டம் அரசியலமைப்பு மதச்சார்பற்ற கொள்கைகளுக்கு எதிரானது என்றும் நாட்டின் மத நல்லிணக்கத்திற்கு நல்லதல்ல என்றும் மு.க.ஸ்டாலின் கூறினார்.
ஒரு நாட்டின் நிர்வாகம் அனைத்து மக்களின் எண்ணங்களையும் உணர்ச்சிகளையும் கருத்தில் கொள்ள வேண்டும் என்று ஜனநாயகம் கூறுகிறது.ஆனால் இந்த குடியுரிமை திருத்தச் சட்டம் அகதிகளை ஏற்றுக்கொள்வதற்கு பதிலாக மதம் மற்றும் பிறந்த நாட்டின் கீழ் பாகுபாடு காட்டுகிறது என்று முதல்வர் ஸ்டாலின் கூறினார்.இலங்கைத் தமிழர்கள் இங்கு குடியுரிமை பெறுவதற்கான வாய்ப்பை சிஏஏ பறிக்கிறது என்றும் முதல்வர் ஸ்டாலின் கூறினார்.
டிசம்பர் 2019இல் பாராளுமன்றத்தால் நிறைவேற்றப்பட்ட சிஏஏ பாகிஸ்தான்,பங்களாதேஷ் மற்றும் ஆப்கானிஸ்தானில் உள்ள முஸ்லீம் அல்லாத சிறுபான்மையினரான இந்து,சீக்கியர்,ஜெயின்,புத்த,பார்சி மற்றும் கிறிஸ்தவ மதங்களைச் சேர்ந்த மக்களை இந்திய குடியுரிமை பெற அனுமதிக்கிறது.இந்தச் சட்டத்தின் கீழ் டிசம்பர் 31,2014க்கு முன் இந்தியாவுக்கு வந்த இந்த சமூகத்தைச் சேர்ந்த மக்கள் சட்டவிரோதமாக குடியேறியவர்களாக கருதப்பட மாட்டார்கள்.
ஆனால் இந்தியக் குடியுரிமை வழங்கப்படும்.சிஏஏவுக்கு எதிராக தீர்மானம் கொண்டு வந்த மாநிலங்களின் பட்டியலில் தமிழ்நாடும் தற்போது சேர்ந்தது.முன்னதாக மேற்கு வங்கம்,கேரளா,பஞ்சாப்,ராஜஸ்தான் மற்றும் மத்தியப் பிரதேசம் சிஏஏவுக்கு எதிராக தீர்மானங்களை நிறைவேற்றியது.இதற்கிடையே எதிர்க்கட்சியான பாஜக சட்டசபையில் இருந்து வெளிநடப்பு செய்தது.தமிழக சட்டசபையில் பாஜகவின் தலைவர் நைனார் நாகேந்திரன் சிஏஏ இந்திய முஸ்லிம்களுக்கு எதிரானதல்ல.
நாங்கள் இன்னும் வேற்றுமையில் ஒற்றுமையை பின்பற்றுகிறோம் என்றார்.பாகிஸ்தான் சுதந்திரம் அடைந்தபோது இந்துக்களின் மக்கள்தொகை 20 சதவிகிதமாக இருந்தது.இப்போது அது 3 சதவிகிதம் மட்டுமே என்று அவர் கூறினார்.பாஜக எம்எல்ஏ வானதி சீனிவாசன் கூறுகையில் சிஏஏ மத்திய அரசால் நிர்வகிக்கப்படுகிறது.திமுக அரசு சிறுபான்மை சமூகத்தை தவறாக வழிநடத்துகின்றனர்.அவர்கள் சிஏஏவை திரும்பப் பெறுமாறு மத்திய அரசிடம் வேண்டுகோள் விடுத்துள்ளனர்.
தமிழக பாஜக சட்டமன்ற உறுப்பினர்கள் இந்த தீர்மானத்தை புறக்கணித்து வருகின்றனர் என்று வானதி சீனிவாசன் கூறினார்.முன்னதாக பாஜகவின் கூட்டணி கட்சியான அதிமுகவும் தங்கள் உறுப்பினர்களை பேச அனுமதிக்கவில்லை என்று கூறி சட்டசபையில் இருந்து வெளிநடப்பு செய்தது.சிஏஏவுக்கு எதிரான தீர்மானத்தில் அதிமுகவின் நிலைப்பாடு குறித்து கேட்டபோது கட்சியின் இணை ஒருங்கிணைப்பாளர் எடப்பாடி பழனிசாமி பதிலளிக்க மறுத்துவிட்டார்.