தாஜ்மகாலை பார்வையிட வந்த தாய்லாந்து பயணிகளுக்கு அனுமதி மறுப்பு !..காரணம் என்ன?அவர்களிடம் அதிகாரிகள் கூறிய பதில் ?..
இந்தியாவிலுள்ள நினைவுசின்னங்களுள் உலக அதிசயங்களில் ஒன்றாக தாஜ்மகால் விளங்குகிறது.இவை காதலின் சின்னமாக உலகப் புகழ் பெற்றது.இதை காண ஏராளமான மக்கள் குவிந்து வருகிறார்கள்.இந்நிலையில் ஆக்ராவிலுள்ள தாஜ்மகாலுக்கு தாய்லாந்தை சேர்ந்த 6 சுற்றுலா பயணிகள் நேற்று முன்தினம் வந்திருந்தனர். இதில் 3 பேர் மட்டும் அவர்களின் பாரம்பரிய உடையில் வந்திருந்தனர்.
முககவசம், கிரீடம் மற்றும் சில உலோக பொருட்களை அவர்கள் வைத்திருந்தனர். அவர்களை தாஜ்மகாலுக்குள் செல்ல பாதுகாவலர்கள் அனுமதிக்கவில்லை. இது தொடர்பான வீடியோ பதிவு சமூக வலைத்தளங்களில் வெளியாகி பரபரப்பை ஏற்படுத்தி வருகிறது.அதன்படி பாரம்பரிய உடை அணிந்து வந்ததால் அவர்கள் தாஜ்மகாலுக்குள் செல்ல அனுமதிக்கவில்லை என பல குற்றச்சாட்டுகள் கிளம்பியது.
இது குறித்து அதிகாரிகள் தெரிவிக்கையில் அந்த சுற்றுலா பயணிகள் அணிந்திருந்த முககவசம், கிரீடம் மற்றும் உலோக பொருட்களை கழற்றி பாதுகாப்பாளர் அறையில் வைத்து விட்டு செல்ல அறிவுறுத்தினர்.ஆனால் அந்த தாய்லாந்து மனிதர்கள் ஏற்காததால் அனுமதி மறுக்கப்பட்டதாகவும் விளக்கம் அளித்துள்ளனர்.
மேலும் பாரம்பரிய உடையில் தாஜ்மகாலில் புகைப்படம் மற்றும் வீடியோ பதிவு எடுக்க வந்திருந்த அவர்கள் அதற்கான அனுமதியை பெறாமல் வந்திருந்ததும் கண்டறியப்பட்டதாக தாஜ்மகால் அதிகாரிகள் தெரிவித்தனர்.இந்நிலையில் அவர்கள் ஏமாற்றத்துடன் திரும்பி சென்றார்கள்.