‘தி லெஜண்ட்’ படத்துக்கு சென்னையில் பல இடங்களில் அதிகாலை காட்சிகள்… சூடுபிடிக்கும் டிக்கெட் விற்பனை
தி லெஜண்ட் திரைப்படம் தமிழகத்தில் மிகப்பிரமாண்டமாக ஜூலை 28 ஆம் தேதி ரிலீஸ் ஆகிறது.
சரவணா ஸ்டோர்ஸ் கடைகளின் உரிமையாளரான சரவணன் அருள் மக்கள் மத்தியில் மிகப் பிரபலமாக உள்ளார். அவரது கடையின் விளம்பரத்தில் அவரே நடித்ததன் மூலம் பல மக்களின் கவனத்திற்கு வந்தார். அதைத் தொடர்ந்து தற்போது தி லெஜண்ட் என்ற படத்தில் நடித்து வருகிறார். பிரபல இயக்குனர் ஜேடி மற்றும் ஜெர்ரி இயக்குகின்றனர்.
இந்தப் படத்தை இயக்குகின்றனர். விளம்பர பட உலகில் முன்னணியில் திகழும் இயக்குனர் ஜேடி மற்றும் ஜெர்ரி இயக்கத்தில் ஏற்கனவே உல்லாசம், விசில் போன்ற பல திரைப்படங்கள் உருவாகியுள்ளது. ஹாரிஸ் ஜெயராஜ் இசையமைத்துள்ளார்.
கோவிட் தொற்றுக்கு முன்பே இந்த படத்தின் படப்பிடிப்பு தொடங்கப்பட்ட நிலையில் தாமதமாகி இந்த ஆண்டு தொடக்கத்தில் முடிவுற்றது. இதையடுத்து படத்தின் இசை மற்றும் டிரைலர் வெளியீடு பிரம்மாண்டமாக சென்னையில் நடந்தது. அதன் பின்னர் படத்தை பிரம்மாண்டமாக ரிலீஸ் செய்யும் பணிகளை படக்குழு மேற்கொண்டது. படத்தின் தமிழக ரிலீஸ் உரிமையை முன்னணி விநியோக நிறுவனமான கோபுரம் பிலிம்ஸ் நிறுவனம் கைப்பற்றி ஜூலை 28 ஆம் தேதி ரிலீஸ் செய்கிறது. தமிழகம் மற்றும் இந்தியாவில் அதிக எண்ணிக்கையிலான திரையரங்குகளில் ரிலீஸ் ஆகும் என எதிர்பார்க்கப்படுகிறது.
இந்நிலையில் படத்தின் மீது எதிர்பார்ப்பு அதிகமாகியுள்ள நிலையில் சென்னையில் பல இடங்களில் ஸ்டார் நடிகர்களின் படங்களைப் போல அதிகாலை ஸ்பெஷல் காட்சிகள் ஏற்பாடு செய்யப்பட்டுள்ளன. இதை விட ஆச்சர்யத் தகவலாக ஸ்பெஷல் ஷோக்களுக்கான டிக்கெட்கள் விற்பனையும் அமோகமாக இருப்பதாக தகவல்கள் வெளியாகியுள்ளன.
