தமிழ்நாட்டில் சென்ற வருடம் மார்ச் மாதம் முதல் நோய்தொற்று ஏற்படுதல் அதிகரித்ததால் பல மாதங்கள் அருணாசலேஸ்வரர் ஆலயம் மூடப்பட்டிருந்தது. வழக்கமான பூஜைகள் நடைபெற்ற போதிலும் பக்தர்கள் தரிசனம் செய்வதற்கு அவர்களுக்கு அனுமதி வழங்கப்படவில்லை.இந்த சூழ்நிலையில், நோய்த்தொற்று இரண்டாவது அலை சற்று குறைந்ததன் காரணமாக,அருணாசலேஸ்வரர் ஆலயம் திறக்கப்பட்டு பக்தர்கள் சாமி தரிசனம் செய்வதற்கு அனுமதிக்கப் பட்டார்கள். ஆனாலும் பவுர்ணமி தினங்களில் பக்தர்கள் கிரிவலம் செய்வதற்கு தொடர்ச்சியாக தடை விதிக்கப்பட்டிருந்தது.
தமிழ்நாட்டில் ஒரு சில மாவட்டங்களில் நோய்த்தொற்று பரவல் அதிகரித்ததன் காரணமாக, திருவிழா நிகழ்ச்சிகளில் பொதுமக்கள் அதிகமாக ஒன்று திரளாமல் தடுக்கும் விதத்தில் ஆடிக்கிருத்திகை மற்றும் ஆடிப்பெருக்கு விழாவை முன்னிட்டு நேற்று முன்தினம் முதல் இன்று வரையில் மூன்று தினங்கள் முக்கிய கோவில்களில் பக்தர்கள் சாமி தரிசனம் செய்யவும், சுற்றுலா தலங்களுக்கு செல்லவும், திடீர் என்று தடை விதிக்கப்பட்டிருக்கிறது.
நேற்று முன் தினம் திருவண்ணாமலை அருணாசலேஸ்வரர் ஆலயம் ஆடிப்பூர விழா கொடியேற்றம் நடந்த சமயத்திலும் பக்தர்கள் தரிசனம் செய்வதற்கு அனுமதி வழங்கப்படவில்லை. கோவில் ஊழியர்கள் மற்றும் சிவாச்சாரியார்கள் மட்டுமே பங்கேற்றார்கள் நேற்று ஆடி கிருத்திகை என்ற காரணத்தால். பல மாவட்டங்களில் இருந்தும் பக்தர்கள் சாமி தரிசனம் செய்வதற்கு திருவண்ணாமலைக்கு வருகை தந்தார்கள்.
ஆனாலும் அவர்கள் கோவிலில் சாமி தரிசனம் செய்வதற்கு அனுமதி வழங்கப்படவில்லை என்பதை அறிந்து அதிர்ச்சி அடைந்தார்கள். இதன் காரணமாகவே அங்கு பக்தர்கள் கோவில் முன்பு கற்பூரம் ஏற்றி வழிபட்டால் அதன் பின்னர் கிரிவலம் சென்று விட்டு தங்கள் சொந்த ஊருக்கு திரும்பி விட்டார்கள். அதேபோல வெளி மாநிலங்களிலிருந்தும் வந்த பக்தர்கள் சாமிதரிசனம் செய்ய இயலாமல் வேதனை அடைந்தார்கள்.திடீரென்று கோவிலில் சாமி தரிசனம் செய்வதற்கு அனுமதியில்லை என்ற அறிவிப்பு வெளியானதிலிருந்து அதிகமாக அது தொடர்பாக பொதுமக்கள் பலர் அறியாமல் சாமி தரிசனம் செய்ய வேண்டும் என்று வந்ததாக சொல்லப்படுகிறது.