வெற்றிமாறனின் அடுத்த படம் டிராப்: கோலிவுட் திரையுலகினர் மகிழ்ச்சி
வெற்றிமாறன் இயக்கத்தில் தனுஷ் நடித்த ’அசுரன்’ திரைப்படம் சமீபத்தில் வெளிவந்து மிகப்பெரிய வெற்றியை பெற்றது. இந்த படம் ரூபாய் 100 கோடி வசூல் செய்ததாக இதன் தயாரிப்பாளர் தரப்பிலிருந்து செய்திகள் வெளிவந்தது. இதனை அடுத்து வெற்றிமாறன் இயக்கும் அடுத்தப் படத்திற்கு மிகப்பெரிய எதிர்பார்ப்பு ஏற்பட்டது. ரஜினி சூர்யா உள்பட பல பிரபல நடிகர்கள் வெற்றிமாறன் இயக்கத்தில் நடிக்க இருப்பதாகவும் செய்திகள் வெளியாகியது.
ஆனால் வெற்றிமாறனோ, சூரி நடிக்கும் ஒரு படத்தை இயக்க இருப்பதாக ஊடகங்களில் செய்திகள் வெளியானது. இதனை வெற்றிமாறனும் ஒரு பேட்டியில் உறுதி செய்திருந்தார் என்பது குறிப்பிடத்தக்கது. அசுரன் போன்ற சூப்பர் ஹிட் படத்தை கொடுத்த இயக்குனர் அடுத்த படத்தை ஒரு காமெடி நடிகரை ஹீரோவாக்கி இயக்கவிருப்பது குறித்து கோலிவுட் திரையுலகம் ஆச்சரியமடைந்தது.
ஒரு சிலர் அவரிடம் சூரியை வைத்து படம் இயக்க வேண்டாம் என்று கூறியதாகவும் வதந்திகள் கிளம்பின. இந்த நிலையில் பெரும்பாலான கோலிவுட் திரையுலகம் எதிர்பார்த்தபடியே வெற்றிமாறன்-சூரி படம் டிராப் செய்யப்பட்டுள்ளதாக செய்திகள் தற்போது வெளிவந்துள்ளது. ஒரு திரைப்படம் டிராப் என்றால் வருத்தப்படும் கோலிவுட் திரையுலகம், இந்த படம் டிராப் என்றதும் மகிழ்ச்சி அடைந்ததாக கூறப்படுகிறது
இந்த நிலையில் வெற்றிமாறனின் அடுத்த படத்தில் சூர்யா நடிக்க இருப்பதாகவும் இந்த படத்தின் படப்பிடிப்பு இம்மாத இறுதியில் தொடங்க இருப்பதாகவும் இந்த படம் குறித்த அறிவிப்பு இன்னும் ஓரிரு நாட்களில் வெளிவரும் என்றும் கூறப்படுகிறது. வெற்றிமாறன் இயக்கத்தில் ஹீரோவாக நடிக்க ஆர்வத்துடன் காத்திருந்த சூரிக்கு இந்த தகவல் ஏமாற்றமே என்பது குறிப்பிடத்தக்கது.