வெற்றியை பிடிக்க விஜய் சேதுபதி போட்ட திட்டம்? கண்டிப்பா அப்போ படம் ஹிட்டு தான்!

கடந்த சில வருடங்களுக்கு முன்புவரை விஜய் சேதுபதி நடிப்பில் மாதத்திற்கு 2, 3 படங்களாவது வெளியாகிவிடும். அந்த நேரத்தில் விஜய் சேதுபதி சினிமாவில் உச்சத்தில் இருந்ததால் கிடைக்கும் கதையில் எல்லாம் தொடர்ந்து நடித்து வந்தார். ஆனால் தொடர்ந்து விஜய் சேதுபதி படங்கள் வெளியானதை ரசிகர்கள் கொண்டாடவில்லை.

மாறாக எல்லா படங்களும் தோல்வியை சந்தித்தது. அதனை தொடர்ந்து விஜய் சேதுபதி கடந்த வருடம் நித்திலன் சுவாமிநாதன் இயக்கத்தில் மகாராஜா படத்தில் நடித்தார். இந்த படம் வெறும் 20 கோடி படஜெட்டில் எடுக்கப்பட்டு 200 கோடிக்கு மேல் வசூலித்தது.

வசூல் ரீதியாகவும், விமர்சன ரீதியாகவும் மகாராஜா படம் மாபெரும் வெற்றி பெற்றது. இந்திய திரையுலகமே இந்த படத்தை கொண்டாடியது. கடந்த மாதம் விஜய் சேதுபதி நடிப்பில் வெளியான ACE படம் வசூல் ரீதியாகவும், விமர்சன ரீதியாகவும் மாபெரும் தோல்வி அடைந்தது. இந்த தோல்வியை விஜய் சேதுபதி எதிர்பார்க்கவில்லை.

எனவே தனது ஆஸ்தான வெற்றிப்பட இயக்குனரான நித்திலன் சுவாமிநாதனை அணுகி இருக்கிறார். நித்திலன் சுவாமிநாதனும் ஏற்கனவே நயன்தாராவுடன் தான் பண்ணுவதாக இருந்த படம் ட்ராப் ஆனதால் விஜய் சேதுபதியுடன் இணைய ஒப்புக்கொண்டுள்ளார். கூடிய விரைவில் விஜய் சேதுபதி மற்றும் மகாராஜா இயக்குனர் நித்திலன் ஸ்வாமிநாதன் இணையும் படத்தை பற்றிய அதிகாரப்பூர்வ தகவல்கள் வெளியாகும் என்றும் சொல்லப்படுகிறது.