தனுஷ் கொடுத்த பில்ட்டப் ஒர்கவுட் ஆகுமா? முன்பதிவுக்கே படம் ரொம்ப முக்குதாம்!

தனுஷ் நடிப்பில் கடைசியாக வெளியான ராயன் படம் 100 கோடிக்கு மேல் வசூலித்து வெற்றி பெற்றது. ராயன் படத்தை தொடர்ந்து தனுஷ் தயாரித்து இயக்கிய நிலவுக்கு என்மேல் என்னடி கோவம் படம் மாபெரும் தோல்வி அடைந்தது. இந்நிலையில் தனுஷ் தற்போது நடித்து முடித்த குபேரா படம் 20 ஜூன் அன்று திரையரங்குகளில் வெளியாகவுள்ளது.

இந்த படத்தின் இசை வெளியீட்டில் தனுஷ் ரொம்பவே பேசிவிட்டார். அவர் மனதில் பட்டதை பேசி இருக்கிறார் என்று சிலர் சொன்னாலும் எல்லோராலும் அவர் பேசியதை ஏற்றுக்கொள்ள முடியவில்லை. ஒரு கட்டத்துக்கு மேல் இவர் ஏன் இப்படி பேசுறாரு, அப்படி இவருக்கு என்னதான் ஆச்சு, யார பத்தி பேசுறாரு என்று அந்த நிகழ்வை பார்த்த யாருக்குமே எதுவுமே புரியவில்லை.

இந்த பேச்சு பட ப்ரோமோஷனுக்காக கூட இருக்கலாம். தனுஷ் ஒரு படத்துக்காக இப்படி பேசி இருக்காரு, அந்த படத்துல அப்படி என்ன தான் இருக்கும்ன்னு எல்லாரும் பாக்க வருவாங்க என்று கூட நினைத்து அவர் பேசி இருக்கலாம். இந்த குபேரா படத்துக்கு ஒரு மிகப்பெரிய பிரச்சனை என்னவென்றால் படம் 3 மணி நேரம் 15 நிமிடம் காட்சிகளை கொண்டுள்ளது.

படம் இவ்வளவு லென்த்தா இருந்தா படம் பாக்குறவங்களுக்கு சலிப்பு வந்துரும் என்று 2 மணி நேரம் 50 நிமிடங்களாக படத்தின் நீளத்தை குறைத்துள்ளனர். அதுமட்டுமல்லாமல் அமீர் கானின் சித்தாரே ஜமீன் பர், அதர்வாவின் DNA, வைபவ் நடிப்பில் சென்னை சிட்டி கேங்ஸ்டர் போன்ற படங்கள் ஜூன் 20ஆம் தேதி வெளியாகிறது. இதுவரை குபேரா படத்தின் முன்பதிவும் ரொம்ப டல்லடிப்பதாக சினிமா வட்டாரங்களில் சொல்லப்படுகிறது.