34 வயதில் பிரதமர் பதவி: உலகின் மிக இளைய பிரதமராகும் பெண்மணி
உலகின் மிக இளவயது பிரதமர் என்ற பெருமையை பின்லாந்து நாட்டின் அடுத்த பிரதமராக பதவி ஏற்க இருக்கும் சன்னா மெரின் என்ற பெண் பெறுகிறார்.
சமீபத்தில் பின்லாந்து நாட்டில் அஞ்சல் ஊழியர்களின் போராட்டம் வெடித்தது. இந்த மாபெரும் போராட்டத்தை அந்நாட்டின் பிரதமர் ஆண்டி ரயணி என்பவரால் கட்டுப்படுத்த முடியாத நிலையில் அவர் தனது பிரதமர் பதவியிலிருந்து விலகினார்.
இதனையடுத்து பின்லாந்து நாட்டின் அடுத்த பிரதமராக சன்னா மெரின் தேர்வு செய்யப்பட்டுள்ளார். இவரை ஐந்து கட்சிகள் பிரதமராக்க ஒப்புக் கொண்டுள்ளன. இதனையடுத்து சன்னா மெரின் அடுத்த வாரம் பிரதமர் பதவியை ஏற்க உள்ளார்.
இதற்கு முன்னர் பிரதமர் ஆண்ட்டி ரயணி அமைச்சரவையில் போக்குவரத்து துறை அமைச்சராக பதவி வகித்தவர் சன்னா மெரின் என்பது குறிப்பிடத்தக்கது. பிரதமர் பதவி ஏற்க இருக்கும் சன்னா மெரின் வயது 34 ஆண்டுகள் 23 நாட்கள் என்பது குறிப்பிடத்தக்கது.
இதற்கு முன்னர் உலகின் இளம் பிரதமராக இருந்தவர் உக்ரைன் நாட்டின் Oleksiy Honcharuk என்பவர் ஆவார். இவர் தனது 35வது வயதில் பிரதமர் பதவியை ஏற்றார் என்பது குறிப்பிடத்தக்கது.