இந்திய அணிக்கு வங்கதேசம் கொடுத்த இலக்கு எவ்வளவு தெரியுமா?

இந்திய அணிக்கு வங்கதேசம் கொடுத்த இலக்கு எவ்வளவு தெரியுமா?

வங்கதேச கிரிக்கெட் அணி இந்தியாவில் சுற்றுப்பயணம் செய்து விளையாடி வரும் நிலையில் சமீபத்தில் நடந்த முதல் டி20 போட்டியில் வங்கதேச அணி அபாரமாக வென்று இந்தியாவுக்கு அதிர்ச்சி கொடுத்தது மேற்கு வங்க தீவுகள் மற்றும் தென்னாப்பிரிக்கா ஆகிய அணிகளுடன் மோதி தொடர் வெற்றியை பெற்று வந்த இந்திய அணி வங்கதேச அணியிடம் தோல்வி அடைந்தது இந்திய கிரிக்கெட் ரசிகர்களுக்கு பெரும் ஏமாற்றமாக இருந்தது

இந்நிலையில் இன்று ராஜ்கோட் மைதானத்தில் இந்தியா மற்றும் வங்கதேச அணிகள் மோதும் இரண்டாவது டி20 போட்டி தற்போது நடைபெற்று வருகிறது. இந்த போட்டியில் டாஸ் வென்ற இந்திய அணி முதலில் பந்து வீச முடிவு செய்ததால் வங்கதேச அணி முதலில் பேட்டிங் செய்தது. அந்த அணி 20 ஓவர்களில் 6 விக்கெட்டுகளை இழந்து 153 ரன்கள் எடுத்துள்ளது

ஸ்கோர் விபரம்: வங்கதேசம் – 153/6 20 ஓவர்கள்

முகமது நயீம்: 36 ரன்கள்
சவும்யா சர்க்கார்: 30 ரன்கள்
மஹ்முதுல்லா: 30 ரன்கள்
லிட்டன் தாஸ்: 29 ரன்கள்

முதல் டி20 போட்டியில் அபாரமாக விளையாடிய வங்கதேச அணியின் விக்கெட் கீப்பர் முசாஃபீர் ரஹிம் இன்று 4 ரன்கள் மட்டுமே எடுத்து ஆட்டமிழந்தார்

இந்த நிலையில் 154 ரன்கள் என்ற இலக்கை நோக்கி இன்னும் சில நிமிடங்களில் இந்திய அணி பேட்டிங் செய்ய உள்ளது. இந்த இலக்கு இந்திய பேட்ஸ்மேன்களை பொருத்தவரை எளிதான இலக்கு என்றாலும் இந்தப் போட்டியில் வென்றாக வேண்டும் என்ற கட்டாயத்தில் இந்திய அணி இருப்பதால் இந்திய பேட்ஸ்மேன்கள் சுதாரிப்பாக விளையாடுவார்கள் என்று எதிர்பார்க்கப்படுகிறது