துரைமுருகன் திமுகவின் தலைவராக முடியுமா..? தெறிக்கவிடும் அதிமுக அமைச்சர்!!
அதிமுகவில் எல்லோருமே முதலமைச்சர்தான் என்று கூறும் முதலமைச்சர் எடப்பாடி பழனிசாமி, தனது முதலமைச்சர் பதவியை ஓ.பன்னீர் செல்வத்திற்கு விட்டுத் தருவாரா..? என்று திமுகவின் துரைமுருகன் விமர்சனம் செய்திருந்தார். இது பற்றி அதிமுக மீன்வளத்துறை அமைச்சரிடம் செய்தியாளர்கள் கேள்வி கேட்டபோது:
உங்களால் முடிந்தால் திமுகவின் தலைவராகி காட்டுங்கள் என்று துரைமுருகனுக்கு அமைச்சர் ஜெயக்குமார் சவால் விடுத்துள்ளார் மேலும், உள்ளாட்சித் தேர்தல் இடைவேளை போன்றதுதான் என்றும், எப்போதும் அதிமுக மட்டும்தான் ஹூரோ 2021 தேர்தலிலும் நாங்களே வெற்றி பெறுவோம் என்று கூறினார்.
பாஸ்டேக் முறையில் வாகனங்களுக்கு அதிக கட்டணம் வசூலிப்பது குறித்து மத்திய அரசிடம் தெரிவிக்கப்படும் என்றும், டி.என்.பி.எஸ்.சி தேர்வு முறைகேட்டில் யார் ஈடுபட்டிருந்தாலும் கடுமையான நடவடிக்கை எடுக்கப்படும் எனவும் தெரிவித்தார். சமீப நாட்களாக திமுக, அதிமுக இடையே அரசியல் புகைச்சல் நாளுக்கு நாள் அதிகரித்து வருகிறது.
திமுக கூட்டணி சலசலப்பு மற்றும் துரைமுருகனின் பேட்டிகளுக்கு அதிமுக மீன்வளத்துறை அமைச்சர் ஜெயக்குமாரின் பேட்டிகள் சரியான பதிலடியாக அமைந்துள்ளது. துரைமுருகன் திமுகவின் தலைவராக முடியுமா..? என்கிற பதிலடி பேச்சு திமுக அரசியல் வட்டாரத்தில் பரபரப்பை ஏற்படுத்தியுள்ளது.