பா.சிதம்பரம் பொருளாதார அறிவு இல்லாதவர்! பட்ஜெட் பேச்சால் எச்.ராஜா டென்சன்..!!
நாடாளுமன்றத்தில் தாக்க செய்யப்பட்ட பட்ஜெட் குறித்து முன்னாள் மத்திய நிதியமைச்சர் பா.சிதம்பரம் கூறிய விமர்சனத்திற்கு பதிலடி தரும் வகையில் எச்.ராஜா விமர்சனம் வைத்துள்ளார். கோவை அருகே மேட்டுபாளையத்தில் துண்டு பிரசுர பிரச்சாரத்தில் ஈடுபட்டதாக பாஜக தொண்டர்கள் 8 பேர் மீது வழக்கு பதிவு செய்யப்பட்டது.
தனது கட்சி தொண்டர்கள் மீது வழக்கு பதிவு செய்ததை கண்டித்து மேட்டுபாளையம் பேருந்து நிலையத்திற்கு அருகே பாஜகவினர் ஆர்ப்பாட்டத்தில் ஈடுபட்டனர். இந்த போராட்டத்தில் பிஜேபியின் தேசிய செயலாளர் எச்.ராஜா கலந்து கொண்டு கண்டன உரை ஆற்றினார். ஆர்பாட்டத்திற்கு பிறகு செய்தியாளர்களை சந்தித்த போது காங்கிரஸ் கட்சியை குறித்து விமர்சித்தார்.
முன்னாள் நிதியமைச்சர் பா.சிதம்பரம் கொண்டு வந்த பட்ஜெட்டின் மூலம் நாட்டிற்கு ஏதேனும் நல்லது நடந்துள்ளதா என்று கேள்வி எழுப்பிவிட்டு, பா.சிதம்பரம் ஒரு பொருளாதார அறிவு இல்லாதவர் என்று காட்டமாக விமர்சனம் வைத்தார். பட்ஜெட்டில் வருமானவரி குறைப்பை வரவேற்கிறேன் மற்ற நிதி ஒதுக்கீடுகள் வேஸ்ட் என்பது போல் பா.சிதம்பரம் பேட்டி அளித்திருந்தார். புதிய பட்ஜெட்டுக்கான மதிப்பெண் குறித்த கேள்விக்கு, ஒன்றில் இருந்து பூஜ்ஜியம் வரை என்ன மதிப்பு வருமோ அதை போட்டுக் கொள்ளுங்கள் என நக்கலாக பேசியதும் குறிப்பிடத்தக்கது.