சிவகார்த்திகேயன் அடுத்த படம் குறித்த முக்கிய தகவல்

சிவகார்த்திகேயன் நடித்த ஹீரோ திரைப்படம் சமீபத்தில் வெளியான நிலையில் அவர் தற்போது ’கோலமாவு கோகிலா’ பட இயக்குனர் நெல்சன் இயக்கத்தில் உருவாகி வரும் ’டாக்டர்’ என்ற படத்தில் நடித்து வருகிறார்

இந்த நிலையில் நீண்டகாலமாக கிடப்பில் இருந்த சிவகார்த்திகேயன் நடித்த ஒரு திரைப்படம் தற்போது தூசி தட்டி எழுப்பப் பட்டுள்ளது. ’இன்று நேற்று நாளை’ பட இயக்குனர் ரவிக்குமார் இயக்கத்தில் உருவாகி வந்த படத்தின் படப்பிடிப்பு தற்போது மீண்டும் தொடங்கப்பட்டுள்ளது

இந்த படத்தை 24am ஸ்டுடியோஸ் நிறுவனம் மட்டும் தயாரித்து வந்த நிலையில் தற்போது இந்த படத்தின் தயாரிப்பில் கேஜேஆர் ஸ்டுடியோஸ் நிறுவனமும் இணைந்துள்ளதை அடுத்து இந்த படத்தின் படப்பிடிப்பு மீண்டும் தொடங்க உள்ளது என்பது குறிப்பிடத்தக்கது

மேலும் இந்த படத்தின் டைட்டில் அறிவிப்பு இன்று மாலை 5 மணிக்கு வெளியாக உள்ளது என்பதும் இந்த டைட்டிலை இந்த படத்தின் இசையமைப்பாளர் ஆஸ்கார் நாயகன் ஏஆர் ரஹ்மான் அவர்கள் அறிவிக்க உள்ளார் என்பதும் குறிப்பிடத்தக்கது