வீட்டில் மீன் தொட்டியை எந்த திசையில் வைக்க வேண்டும்? எத்தனை வைத்தால் செல்வம் பெருகும்!!
*கலர் மீன்கள் வளர்க்கும் தொட்டியை படுக்கை அறையிலோ சமையல் அறையிலோ வைக்கக் கூடாது. வீட்டில், ஹாலில் தான் வைக்க வேண்டும்.
*வட கிழக்கு திசையில் வைக்க வேண்டும். முடியாதவர்கள் வடக்கில் வைக்கலாம். வீட்டின் நுழைவாயிலில் உள்ளே சென்றவுடன் இடது பக்கம் வைக்கலாம். மீன் தொட்டியை ஒருபோதும் தெற்கில் வைக்கவே கூடாது.
*மீன்களின் எண்ணிக்கை 9 ஆக இருக்க வேண்டும். அதுவும் தங்க நிறம், சிவப்பு நிறம், ஆரஞ்சு போன்ற வண்ணங்களில் வளர்த்தால் வீட்டில் செல்வம் சேரும். அதேபோல் 8 கலர் மீன்கள் வைத்து 1 கருப்பு மீன் வைத்தால் வீட்டின் கண் திருஷ்டி குறைய வாய்ப்பு உண்டு. அத்தனையும் ஒரே ரகமாக இருந்தால் நல்லது.
*மீன்கள் நீந்தி சுறுசுறுப்பாக வலம் வர இடம் இருக்கும் அளவிற்கு தொட்டி இருக்க வேண்டும். அப்பொழுது தான் நமது வீட்டு சூழ்நிலையும் நல்ல நிலையில் இருக்கும். குடுவையில் வைத்து நீந்தாமல் மந்தமாக இருந்தால் நமது சூழ்நிலையும் மந்தமாக இருக்கும்.
*எதாவது மீன் இறந்து விட்டால் உடனே அப்புறப்படுத்தி உடனே அதே ரக மீனை வாங்கி அதில் போட வேண்டும். ஏனென்றால் நமக்கு வரும் ஆபத்தை தான் அது உள் வாங்கி தன் உயிரை நீக்கும்.