கொரோனா வைரஸ் தொற்று பாதிப்பில் விரைவில் சீனாவை இந்தியா முந்தும் என தெரிகிறது. பல்வேறு இடங்களில் அதிக தொற்று பரவி வருவதால் பதட்டம் ஏற்பட்டுள்ளது.
இந்தியாவில் நேற்று மட்டுமே கொரோனா பாதித்தவர்களின் எண்ணிக்கை 3,967 பேர் மேலும் நேற்று 100 பேர் உயிரிழந்துள்ளனர். இதன் காரணமாக கொரோனா பாதிப்பில் 12 வது இடத்தில் இருக்கும் இந்தியா சீனாவை பின்னுக்கு தள்ளி 11 வது இடத்தை பிடிக்கும் அளவிற்கு வேகமாக பரவி வருகிறது. உலகளவில் கொரோனா அதிகம் பாதித்த நாடாக அமெரிக்கா இருந்து வருகிறது. இங்கு 14 லட்சம் பேர் கொரோனாவால் பாதித்துள்ளனர். இதுவரை 84,500 பேர் உயிரிழந்துள்ளனர்.
இந்தியாவில் 3 ஆம் கட்ட ஊரடங்கில் சில விதிமுறை தளர்வுகளை மத்திய அரசு அனுமதி கொடுத்து பிறகு காய்கறி சந்தைகள், ஊருக்கு கூட்டம் கூட்டமாக செல்வது மற்றும் சமூக இடைவெளி கடைபிடிக்காமல் போனதால் பாதிப்பு அதிகரித்து வருகிறது. தற்போது வரை இந்தியா முழுவதும் 81 ஆயிரத்திற்கும் மேற்பட்டோர் பாதிக்கப்பட்டுள்ளனர். இதுவரை 27 ஆயிரத்திற்கும் மேற்பட்டோர் கொரோனா தொற்றிலிருந்து குணமடைந்துள்ளனர். கொரோனா தொற்றால் உயிரிழந்தோர் எண்ணிக்கை 2,649 ஆக அதிகரித்துள்ளது.
அதிகம் பாதிக்கப்பட்ட மாநிலங்களில் மகாராஷ்டிரா மாநிலம் 27 ஆயிரத்திற்கும் மேற்பட்டோர் பாதிப்பு எண்ணிக்கையால் இந்திய அளவில் முதல் இடத்தில் உள்ளது. இரண்டாவது இடமாக தமிழகத்தில் 9 ஆயிரத்திற்கும் மேற்பட்டோர் பாதித்துள்ளனர். மேலும் பாதிப்பை கட்டுப்படுத்த 4 ஆம் கட்ட ஊரடங்கு புதிய விதிமுறைகளுடன் விரைவில் அறிவிக்கப்படும் என எதிர்பார்க்கப்படுகிறது.