தினசரி வாழ்க்கையில் சிறிய குழந்தைகள் முதல் பெரியவர்கள் முதல் பல உடல் நலப் பிரச்சனைகளை சந்தித்து வருகின்றனர்.இதில் சிலருக்கு தலைவலி தொந்தரவு அடிக்கடி ஏற்படும்.இதை வீட்டு வைத்தியம் மூலம் குணப்படுத்துவது குறித்து சொல்லப்பட்டுள்ளது.
தேவையான பொருட்கள்:-
1)துளசி
2)இஞ்சி
3)கொத்தமல்லி விதை
4)வெற்றிலை
5)மிளகு
6)தேன்
செய்முறை:-
*முதலில் ஒரு வெற்றிலை மற்றும் சிறிதளவு துளசியை நீர் கொண்டு சுத்தம் செய்து பொடியாக நறுக்கி வைத்துக் கொள்ளவும்.
*அடுத்து ஒரு துண்டு இஞ்சியை தோல் நீக்கி பொடியாக நறுக்கி வைத்துக் கொள்ளவும்.
*பின்னர் அடுப்பில் ஒரு கடாய் வைத்து ஒரு தேக்கரண்டி வர கொத்தமல்லி போட்டு லேசாக வறுத்து கொரகொரப்பாக தட்டி வைத்துக் கொள்ளவும்.
*பின்னர் நான்கு கருப்பு மிளகை உரல் அல்லது மிக்ஸியில் போட்டு கொரகொரப்பாக அரைத்து வைத்துக் கொள்ளவும்.
*பிறகு அடுப்பில் ஒரு பாத்திரம் வைத்து 200 மில்லி தண்ணீர் ஊற்றி சூடாக்கவும்.இதை தொடர்ந்து நறுக்கிய வெற்றிலை மற்றும் துளசியை அதில் சேர்க்கவும்.
*அடுத்து நறுக்கிய இஞ்சி,அரைத்த கொத்தமல்லி மற்றும் கரு மிளகு சேர்த்து மிதமான தீயில் சுண்டும் வரை கொதிக்கவிடவும்.
*இதை ஒரு கிளாஸிற்கு வடிகட்டி சிறிதளவு தேன் கலந்து குடித்தால் தலைவலி பறந்து போய்விடும்.
மற்றொரு தீர்வு:
தேவையான பொருட்கள்:-
1)சுக்கு
2)வர கொத்தமல்லி
3)பனங்கற்கண்டு
செய்முறை:-
*அடுப்பில் ஒரு கடாய் வைத்து ஒரு துண்டு சுக்கு மற்றும் இரண்டு தேக்கரண்டி வர கொத்தமல்லி சேர்த்து மிதமான தீயில் வறுக்கவும்.இதை ஆறவிட்டு மிக்ஸி ஜாரில் போட்டு கொரகொப்பாக அரைத்துக் கொள்ளவும்.
*பிறகு அடுப்பில் ஒரு பாத்திரம் வைத்து ஒரு கப் தண்ணீர் ஊற்றி சூடாக்கவும்.பின்னர் அரைத்த கொத்தமல்லி சுக்கு பொடியை போட்டு கொதிக்க விடவும்.
*சுவைக்காக சிறிது பனங்கற்கண்டு சேர்த்து கொதிக்க வைத்து வடிகட்டி குடித்தால் தலைவலி குறையும்.