இந்திய அணியின் முன்னாள் வீரர் மற்றும் முன்னாள் பேட்டிங் பயிற்சியாளருமான சஞ்சய் பங்கரின் மகன்தான் ஆர்யன். அவர் தற்போது ஹார்மோன் சிகிச்சை மேற்கொண்டு தன்னை ஒரு பெண்ணாக மாற்றிக் கொண்டதாக இன்ஸ்டா பதிவின் மூலம் உண்மையை உலகிற்கு கூறியுள்ளார்.
இவர் பெண்ணாக மாறியது இப்போது நடந்தது அல்ல இவர் நீண்ட நாட்களுக்கு முன்பே தன்னை ஒரு பெண்ணாக மாற்றிக் கொண்டுள்ளார். அதன் புகைப்படங்களை தனது இன்ஸ்டா பக்கத்தில் பதிவிட்டு வந்துள்ளார். ஆனால் அது இவர் தான் என்று யாராலும் கண்டறிய முடியவில்லை.
தற்போது அவர் வெளியிட்டுள்ள வீடியோவில் அவர் ஆணாக இருந்த போது எடுத்துக் கொண்ட இந்திய வீரர்களுடன் இருந்த புகைப்படங்களை பதிவிட்டுள்ளார். அதன் மூலம் ஆர்யன் தான் அனயா வாக மாறி இருப்பது தெரியவந்துள்ளது. அதன் பின் தான் இவர் தனது ஆர்யன் என்ற பெயரை அனயா என்று மாற்றிக் கொண்டுள்ளார்.
இவர் இதற்கு முன் உள்ளூர் போட்டிகளில் விளையாடியுள்ளார் ஆனால் இவருக்கு போதிய வாய்ப்புகள் கிடைக்கவில்லை. அதன் பின் தன்னை ஒரு பெண்ணாக உணர்ந்த ஆர்யன் அதன் பின் ஹார்மோன் மாற்று அறுவை சிகிச்சை மேற்கொண்டு தன்னை ஒரு பெண்ணாக மாற்றிக் கொண்டுள்ளார். இந்த தகவல் சமூக வலைத்தளங்களில் பரவலாக பரவி வருகிறது.
சமீபத்தில் சர்வதேச கிரிக்கெட் வாரியம் ஆணாக இருந்து பெண்ணாக மாறியவர்கள் மகளிர் கிரிக்கெட் போட்டிகளில் பங்கேற்க அனுமதி இல்லை என கூறியிருந்தது. இவர் ஆணாக இருந்து பெண்ணாக மாறி இருப்பதால் அவருக்கு வாய்ப்பு கிடைக்காது.