இன்றைய காலத்தில் பெரியவர்கள்,இளைஞர்கள் புகைப்பழக்கத்திற்கு அடிமையாகி வருகின்றனர்.இதில் இருந்து மீண்டு உடலை ஆரோக்கியமாக வைத்துக் கொள்ள கீழே கொடுக்கப்பட்டுள்ள வீட்டு வைத்தியத்தில் ஒன்றை பின்பற்றி வாருங்கள்.
1)சூரியகாந்தி விதைப் பொடி – 5 கிராம்
2)தண்ணீர் – ஒரு கிளாஸ்
*முதலில் வாணலி ஒன்றில் 10 சூரிய காந்தி விதையை போட்டு லேசாக வறுக்க வேண்டும்.வாசனை வரும் வரை வறுத்த பிறகு அடுப்பை அணைத்துவிட வேண்டும்.
*சூரிய காந்தி விதை ஆறியப் பிறகு மிக்சர் ஜார் அல்லது உரலில் போட்டு இடித்து பவுடராக்கி கொள்ள வேண்டும்.
*பிறகு பாத்திரம் ஒன்றில் தண்ணீர் ஊற்றி அடுப்பில் வைத்து சூடுபடுத்த வேண்டும்.இரண்டு நிமிடங்கள் கழித்து பொடித்து வைத்திருக்கும் சூரிய காந்தி விதைப்பொடியை கொட்டி குறைவான தீயில் கால் கிளாஸ் நீராக சுண்டி வரும் வரை கொதிக்க வைத்து அடுப்பை அணைக்க வேண்டும்.
*இந்த சூரிய காந்தி விதை பானத்தை தினமும் மூன்றுவேளை செய்து பருகி வந்தால் புகைப்பழக்கத்தில் இருந்து எளிதில் மீண்டுவிடலாம்.புகைப்பழக்கத்தை கைவிட முடியாமல் பலரும் திணறி வருகின்றனர்.அப்படி இருக்கையில் இந்த சூரியகாந்தி விதை பானம் புகைப்பழக்கத்திற்கு அடிமையானவர்களுக்கு அருமருந்தாக திகழ்கிறது.
*அதேபோல் சூரிய காந்தி விதையை வறுத்து பொடித்து பாலில் கலந்தும் குடிக்கலாம்.இல்லையேல் சூரிய காந்தி விதையை வறுத்து அரைத்து பொடியாகவும் சாப்பிடலாம்.
மற்றொரு தீர்வு:
1)புதினா இலை – 10
2)தண்ணீர் – ஒரு கிளாஸ்
*பாத்திரத்தில் ஒரு கிளாஸ் தண்ணீர் ஊற்றி அடுப்பில் வைத்து சூடுபடுத்த வேண்டும்.
*பிறகு அதில் 10 புதினா இலைகளை போட்டு கொதிக்க வைத்து வடிகட்டி குடித்து வந்தால் புகைப்பழக்கத்தில் இருந்து மீண்டுவிடலாம்.
*தினமும் இரண்டு அல்லது மூன்று புதினா இலைகளை வெறும் வாயில் மென்று சாப்பிட்டு வந்தாலும் புகைப்பழத்தில் இருந்து மீள வழிபிறக்கும்.