நமது தொண்டை பகுதியில் உள்ள உறுப்பான உள்நாக்கு வளர்ச்சி அடைந்தால் இருமல்,தொண்டை வீக்கம் போன்ற பிரச்சனைகள் ஏற்படும்.இந்த உள்நாக்கின் வளர்ச்சியை குறைக்க இங்கு தரப்பட்டுள்ள பாட்டி வைத்தியத்தை முயற்சிக்கவும்.

தேவைப்படும் பொருட்கள் பட்டியல்:

1.பழுத்த பேரிச்சம் பழம் – ஒன்று

2.புளி – அரை நெல்லி அளவு

3.கல் உப்பு – சிறிதளவு

செய்முறை விளக்கம்:

படி 01:

முதலில் நன்றாக பழுத்த பேரிச்சம் பழம் ஒன்றை விதை நீக்கிவிட்டு எடுத்துக் கொள்ள வேண்டும்.இந்த பேரிச்சம் பழத்தை உரலில் போட்டு லேசாக தட்டி எடுத்துக் கொள்ள வேண்டும்.

படி 02:

பிறகு அரை நெல்லிக்காய் அளவு புளி எடுத்து பேரிச்சம் பழத்துடன் சேர்த்து நன்றாக கலந்து கொள்ள வேண்டும்.

படி 03:

பிறகு அதில் சிறிதளவு கல் உப்பு பொடித்து சேர்த்து மிக்ஸ் செய்ய வேண்டும்.அதன் பின்னர் ஒரு சிறிய மர குச்சி எடுத்து தண்ணீரில் போட்டு கழுவி எடுத்துக் கொள்ள வேண்டும்.

படி 04:

பிறகு தயாரித்து வைத்துள்ள புளி பேரிச்சம் பழ கலவையை அந்த குச்சியின் முனையில் உருண்டை பிடித்து வைத்துக் கொள்ள வேண்டும்.குச்சி வெளியில் தெரியாத அளவிற்கு இந்த கலவையை பிடித்துக் கொள்ள வேண்டும்.

படி 05:

பிறகு இந்த கலவையை உள் நாக்கில் படும் படி வைக்க வேண்டும்.இப்படி செய்தால் சிறிது நேரத்தில் உள்நாக்கு சிறியதாகிவிடும்.

உள்நாக்கு வளர்ச்சியை கட்டுப்படுத்தும் மற்றொரு தீர்வு:

தேவைப்படும் பொருட்கள் பட்டியல் இதோ:

1.வில்வ இலை சாறு – 25 மில்லி

2.துளசி இலை சாறு – 25 மில்லி

3.நல்லெண்ணெய் – 125 மில்லி

செய்முறை விளக்கம்:

படி 01;

முதலில் இரண்டு தேக்கரண்டி துளசி இலைகளை பாத்திரத்தில் போட்டு தண்ணீர் ஊற்றி அலசி சுத்தம் செய்து கொள்ள வேண்டும்.

படி 02:

அடுத்து இரண்டு வில்வ இலையை தண்ணீரில் போட்டு அலசி சுத்தம் செய்து கொள்ள வேண்டும்.இப்பொழுது இந்த துளசி மற்றும் வில்வ இலைகளை கல்வத்தில் தனி தனியாக போட்டு சிறிது தண்ணீர் சேர்த்து பேஸ்ட் பதத்திற்கு அரைத்துக் கொள்ள வேண்டும்.

படி 03:

அதன் பிறகு அடுப்பில் வாணலி ஒன்றை வைத்து 125 மில்லி நல்லெண்ணெய் ஊற்றி சூடுபடுத்த வேண்டும்.எண்ணெய் சூடானதும் அரைத்த துளசி இலை சாறு மற்றும் வில்வ இலை சாறு சேர்த்து நன்றாக கொதிக்க வைக்க வேண்டும்.

படி 04:

எண்ணெய் கொதித்து சுண்டி வந்ததும் அடுப்பை அணைத்துவிட்டு தைலத்தை ஆறவைக்க வேண்டும்.பிறகு இந்த தைலம் ஒரு தேக்கரண்டி அளவு எடுத்து வாயில் ஊற்றி தொண்டையில் படும்படி நன்கு கொப்பளித்து துப்ப வேண்டும்.இப்படி செய்தால் உள்நாக்கு வளர்ச்சி குறையும்.

தேவைப்படும் பொருட்கள் பட்டியல்:

1.தண்ணீர் – ஒரு கிளாஸ்

2.கல் உப்பு – ஒரு தேக்கரண்டி

செய்முறை விளக்கம்:

படி 01:

பாத்திரத்தில் ஒரு கிளாஸ் தண்ணீர் ஊற்றி சூடாக்க வேண்டும்.பின்னர் அதில் ஒரு தேக்கரண்டி கல் உப்பு சேர்த்து குறைவான தீயில் கொதிக்க வைக்க வேண்டும்.

படி 02:

பிறகு அடுப்பை அணைத்துவிட்டு கல் உப்பு பானத்தை வெது வெதுப்பான சூடு வரும் வரை ஆறவைக்க வேண்டும்.

படி 03:

பின்னர் இந்த தண்ணீரை கொண்டு தொண்டையில் படும்படி வாய் கொப்பளித்தால் உள்நாக்கு வளர்ச்சி குறையும்.