நம் உடலில் புரதம் குறைந்தால் உடல் சோர்வு அதிகமாகும்.உடல் பலவீனம்,அடிக்கடி நோய் பாதிப்புகள் ஏற்படுதல் போன்ற பிரச்சனைகளுக்கு ஆளாக நேரிடும்.புரதச்சத்து குறைந்தால் மன ரீதியான பாதிப்புகள் ஏற்படும்.எனவே உடலில் புரதச்சத்தை அதிகரிக்க கீழே கொடுக்கப்பட்டுள்ள குறிப்புகளை பின்பற்றுங்கள்.

வேர்கடலை – ஒருகைப்பிடி
வெல்லம் – தேவையான அளவு

முதலில் ஒரு கைப்பிடி வேர்க்கடலையை வாணலியில் போட்டு வாசனை வரும் வரை வறுத்துக் கொள்ள வேண்டும்.பின்னர் இதை ஆறவைத்து மிக்சர் ஜாரில் போட்டு பவுடர் பதத்திற்கு அரைத்துக் கொள்ள வேண்டும்.

அதன் பிறகு சிறிதளவு வெல்லத் தூளை அதில் கொட்டி மிக்ஸ் செய்து சாப்பிட்டு வந்தால் உடலுக்கு தேவையான புரோட்டின் கிடைக்கும்.

பாதாம் – 10 கிராம்
முந்திரி – 10 கிராம்
வால்நட் – 10 கிராம்
பிஸ்தா – 10 கிராம்
பால் – ஒரு கிளாஸ்

வாணலியில் பாதாம் பருப்பு,வால்நட்,முந்திரி பருப்புக்கு,பிஸ்தா பருப்பு ஆகியவற்றை போட்டு
லேசாக வறுத்துக் கொள்ள வேண்டும்.

பின்னர் இதை மிக்சர் ஜாரில் போட்டு பவுடராக அரைக்க வேண்டும்.அதன் பின்னர் பாத்திரத்தில் பால் ஒரு கிளாஸ் ஊற்றி அரைத்த பொடியை கொட்டி கொதிக்க வைக்க வேண்டும்.இந்த பாலை குடித்து வந்தால் உடலுக்கு தேவையான புரோட்டின் சத்து கிடைக்கும்.

கருப்பு கொண்டைக்கடலை – 20 கிராம்
வேர்கடலை – 20 கிராம்
பால் – ஒரு கப்

கருப்பு கொண்டைக்கடலை மற்றும் வேர்க்கடலையை தலா 20 கிராம் அளவிற்கு எடுத்து பொடித்து வைத்துக் கொள்ள வேண்டும்.

பின்னர் ஒரு பாத்திரத்தில் பால் ஊற்றி தயாரித்த பொடியை போட்டு நன்றாக கொதிக்க வைக்க வேண்டும்.இந்த பாலை தினமும் செய்து குடித்து வந்தால் உடலுக்கு தேவையான புரதம் கிடைக்கும்.