இளம் பருவத்தில் ஆரோக்கியமான உணவுகளுக்கு முன்னுரிமை கொடுக்க வேண்டும்.ஆரோக்கியமான உணவுகளை சாப்பிட்டால் மட்டுமே முதுமை காலத்தில் நோய் அபாயத்தில் இருந்து தங்களை காத்துக் கொள்ளும் அளவிற்கு உடலில் எதிர்ப்பு சக்தி இருக்கும்.

வயதான பிறகு பலரும் சந்திக்கும் ஒரு பிரச்சனை என்றால் அது மூட்டுவலிதான்.இந்த மூட்டு வலி தொந்தரவு நம்மை நெருங்காமல் இருக்க ஆரோக்கியமான உணவுகளை சாப்பிட வேண்டும்.

ஒமேகா 3 கொழுப்பு அமிலம் நிறைந்த உணவுகள் மூட்டு வலிமையை அதிகப்படுத்தக் கூடியது.ஆளிவிதை,பாதாம் பருப்பு,வால்நட்,சியாவிதை,மீன் போன்றவற்றை சாப்பிட்டால் மூட்டு வலிமை அதிகரிக்கும்.

பூண்டு,முட்டைக்கோஸ்,வெங்காயம் போன்ற சல்பர் நிறைந்த காய்கறிகளை உணவில் சேர்த்துக் கொண்டால் மூட்டு வலிமை அதிகரிக்கும்.வைட்டமின் சி சத்து நிறைந்த பழங்களை அதிகமாக உட்கொள்ள வேண்டும்.

சோயா,முட்டை போன்ற புரதம் நிறைந்த உணவுப் பொருட்களை அடிக்கடி சாப்பிட வேண்டும்.கோதுமை,ராகி,கம்பு போன்ற சிறு தானிய உணவுகளை சாப்பிட்டால் மூட்டு வலிமை அதிகரிக்கும்.

மூலிகை டீ,பிரண்டை சட்னி,முடக்கத்தான் கீரை சூப்,முடவாட்டுக்கால் கிழங்கு சூப் போன்றவற்றை செய்து கசாப்பிட்டு வந்தால் மூட்டுகள் வலுப்பெறும்.பால்,பாதாம் பால் போன்றவற்றை தினமும் சாப்பிட்டு வந்தால் மூட்டு எலும்பு வலுப்பெறும்.கால்சியம் சத்து நிறைந்த உணவுகளை அதிகமாக சாப்பிட வேண்டும்.பருப்பு வகைகள்,முளைகட்டிய பயறு வகைகளை அடிக்கடி எடுத்துக் கொள்ள வேண்டும்.அதிக உப்பு மற்றும் புளிப்பு உணவுகளை தவிர்க்க வேண்டும்.

தினமும் ஒரு கிளாஸ் பூண்டு பால் அல்லது பூண்டு தேநீர் செய்து குடித்தால் மூட்டு வலிமை அதிகரிக்கும்.தினமும் ராகி கஞ்சி செய்து குடிக்கலாம்.பாலில் வால்நட் பொடி,பாதாம் பருப்பு பொடி போட்டு குடிக்கலாம்.