இந்தியாவிலுள்ள அஹமதாபாத்தில் ஜூன் 12ம் தேதி ஏற்பட்ட பயங்கர ஏர் இந்தியா விமான விபத்துக்கான விசாரணையில், ஐக்கிய நாடுகள் வானூர்தி அமைப்பின் (ICAO) நிபுணர் ஒருவரை இணைக்க முடியாது என இந்தியா மறுத்துள்ளது என்று ராய்ட்டர்ஸ் செய்தி நிறுவனம் தெரிவித்துள்ளது.
260 பேரின் உயிரிழப்புக்கு காரணமான இந்த Boeing 787-8 Dreamliner விமான விபத்தில், பிளாக் பாக்ஸ் தரவுகள் பற்றிய விசாரணை மந்தமாக இருப்பதை விமானப் பாதுகாப்பு நிபுணர்கள் ஏற்கனவே விமர்சித்திருந்தனர். இதையடுத்து ICAO அமைப்பு, இந்தியாவுக்கு தனது ஒரு நிபுணரை உதவிக்கு அனுப்ப முன்வந்தது. ஆனால் இந்திய அதிகாரிகள் அந்த உதவியை ஏற்க மறுத்துவிட்டனர்.
ஐ.நா. வானூர்தி அமைப்பு விண்ணப்பம் செய்தது:
ICAO அமைப்பு, இந்தியாவில் இருக்கும் தனது நிபுணருக்கு “விசாரணை பார்வையாளர்” (Observer) அந்தஸ்து வழங்குமாறு கேட்டிருந்தது.
ஆனால், இந்திய அதிகாரிகள் அதனை உறுதியாக மறுத்துள்ளனர்.
இதுதொடர்பான தகவலை Times Now தொலைக்காட்சி முதலில் வெளியிட்டது.
முன்னதாக, 2014 இல் மலேசிய விமானம் மற்றும் 2020 இல் உக்ரேனிய ஜெட்லைனர் வீழ்த்தப்பட்டது போன்ற சில ஆய்வுகளுக்கு உதவ சர்வதேச சிவில் ஏவியேஷன் அமைப்பு புலனாய்வாளர்களை அனுப்பியுள்ளது, ஆனால் அந்த நேரத்தில் ஏஜென்சியிடம் உதவி கேட்கப்பட்டது என்பது குறிப்பிடத்தக்கது.
AAIB (Aircraft Accident Investigation Bureau) எனப்படும் இந்திய விமான விபத்து விசாரணை அமைப்பு, உலக அளவில் கடந்த 10 ஆண்டுகளில் நடந்த இந்த மிகப்பெரிய விபத்துக்கான விசாரணையைத் தலைமை வகிக்கிறது. அவர்கள் இதுகுறித்த எந்தவொரு கேள்விகளுக்கும் பதில் அளிக்கவில்லை. மேலும் ICAO அமைப்பும் இதுகுறித்து உடனடி பதிலை வழங்கவில்லை என்பது மக்களுக்கு சந்தேகத்தை ஏற்படுத்துகிறது.
பிளாக் பாக்ஸ் தரவுகள்:
விமான விபத்திற்கு 2 வாரங்களுக்குப் பிறகு பிளாக் பாக்ஸ் (Flight Recorder) தரவுகள் பதிவிறக்கம் செய்யப்பட்டதாக இந்திய சிவில் விமான பயண அமைச்சகம் கூறியுள்ளது.
ஜூன் 13ம் தேதி முதல் பிளாக் பாக்ஸ் ஒன்று, பின்னர் ஜூன் 16ம் தேதி இரண்டாவது பாகம் மீட்கப்பட்டிருந்தது.
இது இந்தியாவிலேயே படிக்கப்படுமா அல்லது அமெரிக்காவில் உள்ள National Transportation Safety Board (NTSB) மூலம் நடத்தப்படுமா என்பதிலும் தெளிவுகள் இல்லாமல் இருந்தன.
முடிவுகள் எதற்காக முக்கியம்?
Annex 13 எனப்படும் சர்வதேச விமானவழி சட்டத்தின் கீழ், பிளாக் பாக்ஸ் தரவுகள் எங்கு, எப்போது, எப்படிப் படிக்கப்படும் என்பது விபத்து தடுப்பு நோக்கில் உடனடியாக முடிவு செய்யப்பட வேண்டும்.
மெதுவாக வரும் தகவல்கள்:
இந்திய அரசு இதுவரை ஒரே ஒரு செய்தியாளர் மாநாட்டை மட்டும் நடத்தியுள்ளது. அதிலும் ஏற்கனவே தயாரித்த அறிக்கையை வாசித்துவிட்டு எந்த கேள்விகளுக்கும் பதிலளிக்கவில்லை.
முன் அறிக்கை எப்போது?
பெரும்பாலான விமான விபத்துகள் பல காரணங்களால் ஏற்படுகின்றன. எனவே, முதல் கட்ட அறிக்கை விபத்துக்குப் பின் 30 நாட்களில் வெளியிடப்படும் என எதிர்பார்க்கப்படுகிறது.
இந்த நிகழ்வு, இந்தியாவின் விமான விபத்து விசாரணையில் வெளிப்படைத்தன்மை குறைபாடு மற்றும் சர்வதேச ஒத்துழைப்பை மறுக்கும் போக்கு குறித்து கவலைக்குரியதாக்கி உள்ளது.